Pasuesi i Mogherinit, “sekretet” e të ngarkuarit të ri për politikën e Jashtme të BE. Pse nuk shkel dot në fshatin e tij të lindjes

E mërkurë, 11 September 2019 09:37

I ngarkuari i ri BE-së për Politikën e Jashtme, pasuesi i Federica Mogherinit njihet si njeri i fjalëve të qarta.

Nuk mund të lihet pa përmendur ironia – Joseph Borrell, njeriu që si përfaqëues i Bashkimit Europian në politikën e jashtme do të përfaqësojë BE nëpër botë, nuk mund të shkelë pikërisht në fshatin e tij të lindjes në Katalonjë. Atje është shumë e fortë urrejtja kundër tij, është shprehur ai në një intervistë para disa muajsh për gazetën gjermane “Süddeutsche Zeitung”.

Joseph Borrell është mbrojtës i vendosur i unitetit të Spanjës, për separatistët katalanë ai është tradhtar. Ata e ndjenë si fyerje emërimin e tij si ministër të Jashtëm të Spanjës nga kryeministri Pedro Sanchez. Tani Borrell merr një nga postet më të rëndësishme në Bruksel.

Joseph Borrel ka studiuar në Stanford dhe Paris, ka jetuar një kohë të gjatë në një komunë izraelite, dhe ka një përvojë të gjatë në politikën spanjolle dhe europiane. Askush nuk dyshon në Bruksel në aftësitë intelektuale, dhe talentin e tij politik. Ndoshta mosha e tij mund të jetë një pengesë, vitin e ardhshëm, Joseph Borrell mbush 73 vjeç. Por diplomacia si art i fjalës dhe mesazhet e mëdha nuk janë gjithmonë armët e tij të mëdha.

Një njeri i fjalëve të qarta

Por në kohë të rëndësishme strategjike për të forcuar Europën si fuqi e pavarur mes SHBA dhe Kinës, dhe për t’i dalë përballë Putinit që gjithmonë shikon, se deri ku mund t’i shkelë kufijtë, Borrellit nuk i bën dëm aftësia e tij për t’i formuluar gjërat qartë dhe vetëbesimi. Presidentja e BE, Ursula von der Leyen, kryetarja e Bankës Qendrore Europiane, Christine Lagarde e Joseph Borrell, të mbështetur nga kancelarja Merkel e presidenti Macron. BE ka krijuar një ekip të fortë me përfaqësues me përvojë. Megjithatë duhet parë me vëmendje, se si do t’ia dalë Borrell të ruajë balancën brenda- europiane me interesat specifike të Lindjes dhe Europës Qendrore.

Shpresa ka edhe për njerëzit që vuajnë nga diktaturat e mbetura të Amerikës Latine, këtu Borrell si i ngarkuar i politikës së jashtme do të rrisë presionin kundër regjimeve të padrejtësive atje. Ka qenë Borrell që e çoi përpara njohjen nga Spanja të kreut të opozitës venezuelane, Guaido si president legjitim të përkohshëm. Prej kohësh Spanja është për vendet e Amerikës Latine aktori më i rëndësishëm në Europë, pozicionet politike që formulohen në Madrid, gjenden shpesh më vonë në rezolutat e Parlamentit Europian dhe politikën e kryeqyteteve të tjera europiane.

Aksi Berlin-Paris-Madrid

Tani Spanja do të jetë më aktive dhe për këtë zgjedhja e Borrelit është momenti i duhur për këtë vend. Përmes Brexit dhe gjendjes së ndryshuar në Itali, shpresa ekziston që aksi Berlin-Paris të shtohet me një partner të ri, Madridin. Për Europën ky do të ishte një hap pozitiv. Shtetet jugore, anëtare të BE megjithë sfidat e brendshme politike do të kishin me Spanjën një avokat të merituar, të orientuar nga multilateralizmi, të qëndrueshëm, proeuropian.

Tërheqja e Portugalisë do ta kthente gadishullin iberik përfundimisht në një qendër të tretë të fortë të Europës. Politikë e qëndrueshme buxhetore dhe financiare e bashkuar me politikën shoqërore liberale – më shumë se kaq nuk mund të dëshirojë veriu europian. Joseph Borrell do të mbështesë Spanjën në Europë, edhe kështu mund ta interpretojë kryeministri Pedro Sanchez emërimin e Joseph Borrell si të ngarkuar për politikën e jashtme të BE. DW

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Shëndetësia pre e grabitjes rilindase/ Kërpaçi: Të ndëshkohen përgjegjësit për konceisionin e sterilizimit

Politikë

Shëndetësia pre e grabitjes rilindase/ Kërpaçi: Të ndëshkohen përgjegjësit për konceisionin e sterilizimit

Ish- deputetja e LSI, Floida Kërpaçi ka thënë se përgjegjësit për vjedhjen në koncesionin e sterilizimit duhet të ndëshkohen. Kërpaçi i drejton disa pyetje qeverisë lidhur me masat që ishin marrë...

Ra në dashuri me prostitutën shqiptare, biznesmeni rrezikon burgun

Aktualitet

Ra në dashuri me prostitutën shqiptare, biznesmeni rrezikon burgun

Një 62-vjeçar nga Belgjika pritet të përgjigjet përpara gjykatës mbi akuzat për trafik dhe shfrytëzim prostitutash. Gjithçka nisi në vitin 2015, kur ai u njoh me prostitutën shqiptare E.R., 37 vjeç. Edhe...

Me viza false dërgonin njerëz në SHBA, Kanada dhe Britani, SPAK kap grupin kriminal

Aktualitet

Me viza false dërgonin njerëz në SHBA, Kanada dhe Britani, SPAK kap grupin kriminal

Prokuroria e Posaçme Kundër Korrupsionit dhe Krimit të Organizuar, SPAK,  ka regjistruar procedimin penal për një grup personash që akuzohen për “Falsifikimi i letërnjoftimeve, i pasaportave ose i vizave”, “Falsifikimi i...

Sondazh

Nothing found!

Sondazh

Nothing found!