Një operacion i madh shpëtimi për të nxjerrë një vogëlush që ka rënë në një pus të ngushtë në Indi ka hyrë në ditën e tij të katërt. Sujith Ëilson, 2 vjeç, fillimisht ngeci në thellësinë 10 metra, por rënia e tij vazhdoi në fund të pusit 180 metra në shtetin Tamil Nadu.
Shpëtuesit po pompojnë oksigjen për djalin, por shtresa e baltës nuk i lejon të vlerësojnë gjendjen e fëmijës. Tani ata po përdorin makineri të rënda, njësoj si në rastin e Julienit të vogël në Spanjë muaj më parë, për të hapur një pus paralel me atë ku ra fëmija.
Sujith i vogël rrëshqiti brenda pusit të ngushtë të braktisur ndërsa ishte duke luajtur me shokët. Mediat vendase thanë se mamaja e tij, që ishte në pus, i thërriste djalit të vet që të mos qante. Në momentet e para të shpëtimit të tij, ajo u pa duke qepur një çantë, me shpresën se do të mund ta përdorte për ta ngritur djalin sipër mbi tokë.
Të dielën, një ekskavator i dytë u soll pasi përpjekjet për të gërmuar tokën dështuan, sepse toka ishte shumë e fortë. Mediat vendase thonë se po makineria e re po punonte shumë ngadalë. Përpjekjet për ta nxjerrë djalin me litar kishin dalë huq. Zyrtarët thanë se e kishin dëgjuar fëmijën duke marrë frymë, nga një kamera që kishin ulur në pus.
Në qershor të këtij viti, një tjetër vogëlush që kishte rënë në një pus të tillë, vdiq në shtetin Punjab, pavarësisht se pas operacionit dyditor të shpëtimit u arrit që djali të nxirrej.
Këto raste kanë nxitur thirrjet për të gjobitur ata që i lënë hapur puse të tilla. India festoi Divalin gjatë fundjavës, por historia e vogëlushit ka përpirë vëmendjen e gjerë të mediave sociale.
Lutjet janë duke u bërë në të gjithë tempujt, xhamitë dhe kishat nëpër të gjithë vendin për shpëtimin e të voglit.
Të hënën, kryeministri Naredra Modi shkroi në Tëitter me shqetësim për fëmijën. “Lutjet e mia janë për të voglin dhe trimin Sujith Ëilson.” Kjo situatë rikthen në vëmendje rastin e trishtë të vogëlushit Julien në Malaga në janar të këtij viti, që ra në një pus të thellë uji dhe u desh mbi një javë gërmime nga minatorët që të arrihej tek trupi i vogëlushit, që kishte vdekur ndërkohë.
