Një raportim i gjigantit mediatik britanik, BBC, sipas referimeve që ju ka bërë shkencëtarëve të njohur, thotë se janë zbuluar afatet kohore të prekjes, zhvillimit dhe largimit të koronavirusit nga trupi i njeriut.

Shkencëtarët kanë konfirmuar se duhen mesatarisht 5 ditë, që njerëzit të shfaqin simptomat e koronavirusit. Ky konkluzion u arrit pasi ekipet amerikane analizuan rastet më të njohura në Kinë dhe në vendet e tjera, për të kuptuar më shumë rreth sëmundjes.

Sipas konkluzioneve të tyre, ka rezultuar se ata që nuk shfaqin simptoma deri pas ditës së 12-të nuk ka gjasa që t’i shfaqin më ato, edhe pse sërish mund të jenë bartës të infeksionit, raporton BBC.

Kërkuesit këshillojnë ata që mund të jenë infektues (kanë apo jo simptoma) duhet të vetë-izolohen për 14 ditë që të shmangin përhapjen te të tjerët.