Homazhe me të shtëna armësh për të shënuar vdekjen e Dukës së Edinburgut do të zhvillohen në të gjithë Mbretërinë e Bashkuar, në Gjibraltar dhe nga anijet luftarake në det.

Princi Philip, buashkëshorti prej 73 vjetësh i Mbretëreshës Elizabeth II, vdiq të premten. Në moshën 99 vjeç, ai ishte bashkëshorti mbretëror me jetë më të gjatë në historinë britanike.

LEXO EDHE:
Prokurorët italianë akuza ndaj zyrtarit të OBSH-së: Gënjeu lidhur me një raport për Covid-19

Bateritë ushtarake përshëndetëse do të hapin zjarr në 41 raunde, nga një në çdo minutë nga ora 12:00 BST në qytete si Londra, Edinburg, Cardiff dhe Belfast, tha Ministria e Mbrojtjes.

Anijet e Marinës Mbretërore në det, duke përfshirë HMS Diamond dhe HMS Montrose, gjithashtu do të japin përshëndetjen për nder të dukës, i cili shërbeu si një oficer i marinës gjatë Luftës së Dytë Botërore dhe mbajti zyrën e Lordit të Lartë Admiralit.

Përshëndetjet do të transmetohen në internet dhe në TV dhe publiku inkurajohet t'i vëzhgojë ato nga shtëpia.

Duke njoftuar vdekjen e dukës të premten, Pallati Buckingham tha: "me pikëllim të thellë Madhëria e saj Mbretëresha shpall vdekjen e burrit të saj të dashur. Familja Mbretërore bashkohet me njerëzit në të gjithë botën për të mbajtur zi për humbjen e tij."

Duke reflektuar mbi jetën e Princit Philip në një program të BBC, Princi i Uellsit e përshkroi jetën e babait të tij si një "arritje të habitshme".

Gjenerali Sir Nick Carter, Shefi i Shtabit të Mbrojtjes, tha se duka kishte qenë një "mik i madh, frymëzim dhe model" për Forcat e Armatosura.

"Një jetë e jetuar mirë, Lartmadhëria e Tij Mbretërore na lë një trashëgimi të shpirtit të pathyeshëm, qëndrueshmërisë dhe të ndjenje të palëkundur detyre," tha Sir Nick.

Përshëndetje të ngjashme me armë u shënuan edhe për të shënuar vdekjen e Mbretëreshës Victoria në 1901 dhe të Winston Churchill në 1965