Është koha që vaksinat anti-Covid të bëhen të detyrueshme

E Enjte, 08 July 2021 17:31

 

Nga Julian Zelizer, CNN

Ka ardhur koha që vaksinat kundër koronavirusit të bëhen të detyrueshme. Vaksinat kanë treguar se janë efektive por shkalla e infeksionit po përkeqësohet në popullatat e pavaksinuara. Varianti Delta na ka treguar se pavarësisht se pandemia është zbehur në pjesën më të madhe të vendit, është ende mes nesh.

 

Presidenti Joe Biden u ka bërë thirrje amerikanëve që të vaksinohen. Guvernatorët po u luten banorëve të shteteve të tyre të mos hezitojnë dhe të vaksinohen të gjithë. Për shumë njerëz, vaksinimi është një zgjidhje dhe jo i detyrueshëm.

Nxitjet, nga lotaritë miliona dollarëshe deri tek biletat e bejsbollit për të marrë një dozë janë të gjitha pjesë e paketës. Ndërkohë qeveria u ka premtuar banorëve se të gjithë do të kenë mundësi të vaksinohen, raporton abcnews.al

Biden dhe liderët e tjerë politikë duhet të fillojnë të mendojnë për të mirën e kolektivit dhe jo vetëm për të drejtat e individit. Pasi kjo nuk është një lëvizje drejt socializmit. Shtetet e Bashkuara u kanë kërkuar gjithmonë qytetarëve që të marrin pjesë në programe që janë pozitive për ta.

Sipas ligjit të sigurimeve shoqërore që u krijua në 1935, të gjithë punëtorët industrialë duhet të paguanin taksa për të financuar pensionet për të moshuarit. Gjatë Luftës së Dytë Botërore, një sistem i taksës mbi të ardhurat në masë dhe një program i Shërbimit Përzgjedhës ishin thelbësore për të mposhtur kërcënimin global të fashizmit.

Amerika përdori taksat për të paguar për një sistem autostradash ndërshtetërore në 1956 që u dha mundësi komuniteteve të zhvendoseshin në të gjithë vendin. Në nivelin shtetëror dhe lokal, qeveria u ka kërkuar studentëve të marrin vaksinat e shytave, fruthit etj nëse duan të studiojnë në shkollat amerikane.

Individët duhet të kalojnë testet dhe të marrin licencën nëse duan të ngasin makinën, në mënyrë që të gjithë në rrugë të jenë sa më të sigurt. Detyrimet kolektive kanë qenë gjithmonë pjesë e asaj që në fakt e bën Amerikën një vend të shkëlqyer.

Nëse duam të rikthejmë normalitetin mbi një bazë afatgjatë, të rigjallërojmë ekonominë tonë, të krijojmë mundësi për të gjithë dhe të jetojmë në një shoqëri ku ne dhe të dashurit tanë jemi të sigurt, të shëndetshëm dhe të lumtur, të gjithë duhen të vaksinohen.

Detyrimi civil është një partner i rëndësishëm për të drejtat individuale. Me pandeminë, lidhjet midis këtyre dy elementeve të kulturës politike këto janë bërë edhe më të qarta.

Nëse nuk insistojmë në hapat e nevojshëm për të mbajtur nën kontroll me të vërtetë Covid-19, dhe të shmangim që spitalet të mbingarkohen sërish, individët në Amerikë nuk do të jenë në gjendje të kërkojnë të drejtat e tyre.

Gjatë fundjavës së katërt të korrikut, pjesa më e madhe e vendit shijoi shijen e ëmbël të asaj që mund të ishte jeta post-pandemike. Ne nuk duhet të bëjmë hapa pas dhe varianti Delta po na tregon se kjo gjë mund të ndodhë.

Vaksinimi duhet të jetë në zemër të agjendës së shëndetit publik./Abc

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...