Një ditë pasi trupat izraelite vranë 55 persona në Gaza priten protesta të tjera kundër Izraelit.

Dhuna e së hënës u shkaktua pasi SHBA hapi ambasadën e kontestuar në Jeruzalem. Palestinezët janë indinjuar nga zhvendosja e ambasadës amerikane nga Tel Avivi pasi e pretendojnë Jeruzalemin lindor si kryeqytet të shtetit të ardhshëm palestinez.

E marta përkon me 70 vjetorin të asaj që palestinezët e quajnë Nakba, apo katastrofa, që bëri që me mijëra vetë të largoheshin gjatë krijimit të izraelit në 1948. Ata e shohin lëvizjen e SHBA si një mbështetje të kontrollit izraelit mbi të gjithë qytetin, që në fakt Izraeli e konsideron kryeqytetin e tij të pandashëm. Zyrtarët palestinezë thanë se përveç të vrarëve, rreth 2700 persona të tjerë janë lënduar në dhunën e së hënës dhe besohet se kjo ishte dita më vdekjeprurëse në gaza që nga 2014.

Kryeministri izraelit, Benjamin Natanjahu tha se ushtria po vepronte në vetëmbrojtje ndërsa lideri i autoritetit palestinez e konsideroi atë që ndodhi, një masakër. Kombet e bashkuara ndërkohë folën për shkelje të rënda të të drejtave njerëzore.