Numri i civilëve të cilët humbën jetën si pasojë e sulmeve të djeshme në Siri ka arritur në 78.

Lajmi vjen nga një raport i mjekëve nga Guta lindore, doktor Sulejman Kakeh dhe doktor Ayman Arbash.

Qarku Duma është pika e fundit e cila ka mbetur nën kontrollin e opozitarëve në rajonin e Gutës Lindore.

Turqia e ka dënuar fuqishëm sulmin me armë kimike në Siri dhe ka urdhëruar që të nisin urgjentisht hetimet për sulmin raporton Anadolu Agency (AA).

Ndërsa nga pamjet e arritura nga rajoni në lidhje me sulmin me armë kimike, shihet se shumica e civilëve që kanë humbur jetën nuk kanë plagë dhe gjakderdhje por nga goja dhe hunda i dalin shkumë e bardhë që buron nga mbytja.

Aktualisht në Duma rreth 100 mijë persona jetojnë nën rrethim.