Ndonjëherë punët më stresuese në botë mund të jenë ato që nuk na merr mendja…

E mërkurë, 11 Prill 2018 18:20

Një nga shkaktaret kryesore të stresit është puna. Njerëzit përpiqen që të zgjedhin profesionet në të cilat kanë më shumë prirje dhe mendojnë që mund të arrijnë rezultate më të larta.

 

Por jo gjithmonë ndodh kështu, në vendin e punës ato mund të përballen me nivel të lartë stresi.

 

Sidoqoftë, më poshtë i keni rezultatet e një anketimi të kryer nga ‘Careercast’, ku janë zbuluar punët më stresuese në botë!

 

10) Taksist

Ballafaqimi me pasagjerë të dehur e të çmendur dhe me trafik të dobët, e bën punën e taksistit të renditet e 10’ta në listën e punëve më stresuese në botë.

Niveli i stresit sipas pikëve të anketimit: 48.11.

 

9) Ekzekutiv i lart në korporatë

Çfarë mund t’ju stresojë nëse jeni në pozitat më të larta të një korporate dhe të keni rrogë të mahnitshme? Epo, gjithçka!

Në mënyrë që organizata të funksionojë mirë, ekzekutivi duhet të punojë orë të gjata, të merr vendime të cilat ndikojnë në organizatën dhe punëtorët, e gjithashtu duhet të qëndrojnë të informuar me konkurrentët.

Niveli i stresit: 48.71.

 

8) Ekzekutiv i marrëdhënieve me publikun

Ekzekutivët e PR-it janë përgjegjës për reputacionin e klientëve për të cilët punojnë. Ata duhet të jenë të gatshëm të punojnë orë të gjata, në çfarëdo periudhe të ditës. E gjithashtu, siç e dimë edhe vet, puna me figurat publike dhe yjet e ndryshme, si dhe menaxhimi i aferave të tyre nuk është aspak gjë e lehtë.

Niveli i stresit: 49.44.

 

7) Moderator lajmesh

Dalja para kamerës dhe paraqitja në publik janë që të dyja stresuese, ndërkaq moderatorët e lajmeve duhet t’i bëjnë që të dyja këto çdo ditë. Moderatorët e lajmeve duhet të jenë të gatshëm të dalin para kamerës tërë ditën, gjithashtu të ballafaqohen me njerëz shumë të fuqishëm.

Niveli i stresit: 49.83.

 

6) Gazetar-reporter

Gazetarët reporterë shpeshherë punojnë në zona të rrezikshme me orë të tëra, dhe jo rrallëherë kanë paga të ulëta.

Niveli i stresit: 49.90.

 

5) Koordinator ngjarjesh

Koordinatorët e ngjarjeve punësohen vetëm për ngjarje të cilat janë të rëndësishme për klientët e tyre, që do të thotë se çdo gjë që e bëjnë duhet të jetë e përsosur. Qoftë nëse është fjala për një takim të korporatave apo një dasmë, klientët gjithmonë duan që çdo gjë të jetë e përkyer. Për të mbijetuar në këtë industri, është e domosdoshme të keni aftësi të mira të krijimit të lidhjeve dhe të jeni të mirë në zgjidhjen e problemeve.

Niveli i stresit: 51.15.

 

4) Polic

Policët kanë shumë gjëra me të cilat ballafaqohen. Orare të ndryshme të punës, protesta, ballafaqimi me kriminelë, etj.

Niveli i stresit: 51.97.

 

3) Pilot

Të qenit përgjegjës për sigurinë e qindra pasagjerëve dhe orët e gjata të fluturimeve, kombinuar me mot të keq, normalisht se është gjë stresuese.

Niveli i stresit: 61.07.

 

2) Zjarrfikës

Nuk e mohon kush se profesioni i zjarrfikësit është tejet stresues. Zjarrfikësit çdo ditë e rrezikojnë jetën e tyre për t’i shpëtuar ato të të tjerëve.

Niveli i stresit: 72.43.

 

1) Ushtarak

Përderisa shërbimi në ushtri është çështje e krenarisë, qëndrimi i gjatë larg shtëpisë dhe familjes normalisht se është gjë stresuese. Kjo është edhe më stresuese për ushtarët që gjinden në zona lufte, ku i shikojnë miqtë dhe kolegët duke u plagosur apo duke e humbur jetën.

 

Niveli i stresit: 72.47.

Bonus: Punë tjetër stresuese është të jesh President i Shteteve të Bashkuara të Amerikës.

Modifikuar më Tuesday, 17 Prill 2018 13:59

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Bleu katër byzylykë floriri nga hajduti serial, por e gjen belaja. Policia arreston të riun në Elbasan

Kronikë

Bleu katër byzylykë floriri nga hajduti serial, por e gjen belaja. Policia arreston të riun në Elbasan

Shkon në tre numri i të arrestuarve në operacionin “Trajektorja”, nga i cili Policia e Shtetit zbuloi dhe vuri në pranga më pas 27 vjeçarin Astrit Thaçi, me rekorde të...

Shkurti i Presidentëve amerikanë

Planet

Shkurti i Presidentëve amerikanë

Çdo shkurt, amerikanët përkujtojnë presidentët e tyre. Kjo festë nisi në 1885, në nder të 22 shkurtit, ditëlindjes së George Washington, presidentit të parë të Shteteve të Bashkuara të Amerikës. Sot...

Kërkesat për azil/ Irlanda operacione për të bllokuar shqiptarët

Aktualitet

Kërkesat për azil/ Irlanda operacione për të bllokuar shqiptarët

Irlanda ka përshkallëzuar kontrollet për të kapur shtetasit shqiptarë dhe gjeorgjianë që kërkojnë azil. Sipas mediave, kontrollet janë ngritur kryesisht në aeroportin e Dublinit. Menjëherë pas prezantimit të kontrolleve, numri i...

Sondazh

Nothing found!

Sondazh

Nothing found!