Ajo ishte vetëm një adoleshente dhe martesa ishte një rrugëtim i vështirë, burri i saj e keqtrajtonte sa herë që i vinte mundësia e sidomos në raste kur ajo kishte një mendim tjetër nga ai në lidhje me diçka të caktuar.

Kur Mariami kishte lindur 23 fëmijë, shëndeti i saj erdhi në një pikë ku ajo mund të ishte edhe në rrezik për jetë, ajo madje kërkoi nga doktorët që të bënin ekzaminimet dhe të mos kishte më mundësi të linde fëmijë tjetër.

Por ajo në total lindi 44 fëmijë, 6 herë binjakë, 4 herë trenjakë, 3 herë katërnjakë dhe dy fëmijë të tjerë njëri pas tjetrit.

Ajo nuk pendohet se ka lindur të gjithë këta fëmijë dhe thotë se e konsideron si një bekim nga Zoti.

Ajo nuk ka kohë për t’u ankuar sepse gjithë jetën e saj i ka kushtuar fëmijëve të saj.
E vetmja gjë që e bën të ndihet e mërzitur, është se fëmijët e saj kanë kaluar pak kohë ma babanë e tyre.

Ai largohet me muaj, vite dhe eventualisht i ka lënë që të gjithë dhe nuk është kthyer më. Ai nuk ka kontribuar aspak në rritjen e tyre vetëm kur është dashur t’u vihen emrat dhe atë përmes telefonit.

Djali i tyre më i madh tani ka mbushur 23 vite dhe nuk e ka parë babanë e tij që nga mosha 13-vjeçare.

Shpenzimet më të mëdha kjo familje i ka për ushqim, por të gjithë fëmijët e saj janë duke u edukuar. Njëri nga binjakët e saj të parë është infermier dhe tjetri është i kualifikuar në ndërtimtari.

Ajo tha se dëshira e saj më e madhe është që të gjithë fëmijët e saj t’i vazhdojnë studimet dhe të bëhen me profesione si avokatë, doktorë, profesorë. Ajo shpreson që ata t’i ndjekin ëndrrat e tyre, diçka që ajo nuk kishte pasur mundësi kurrë ta bënte.