Të bëhesh i pasur nuk ndodh në një moment të papritur.  Thomas Corley, autori i “Zakoneve të pasura: zakonet e suksesshme të përditshme të individëve të pasur” tregon se të arrish finalen, në të qenurit i pasur, duhet vite dhe përpjekje. Për pesë vjet Corley studioi dhe intervistoi mbi 233 individë të pasur, nga të cilët 177 prej tyre ishin milionerë të vetë-bërë (pra që e kanë nisur vetë gjithçka nga zero), me së paku 160,000 dollarë të ardhura vjetore bruto dhe 3.2 milion dollarë neto.

“Sipas hulumtimit tim, disa zakone të pasura fillojnë të japin rezultate menjëherë dhe të tjerat marrin shumë vite”. Corley duke u bazuar të hulumtimi i tij, del në konkluzionin që milionerët e vetë-bërë iu duhen tre korniza kohore për të ndërtuar pasurinë e tyre, gjithmonë duke përdorur disa nga zakonet më të rëndësishme.

Vendosja e ëndrrave: rreth 12 vjet.

Vendosja e ëndrrave është përcaktimi i ëndrrave tuaja dhe pastaj ndërtimi i qëllimeve rreth atyre ëndrrave.

Jetesa nën mjetet tuaja: rreth 32 vjet.

Në këtë rast, jetesa nën mjetet tuaja do të përfshinte ruajtjen e të paktën 10% të të ardhurave tuaja dhe pastaj investimin e kujdesshëm të këtyre kursimeve.

Rritja ditore: rreth shtatë vjet.

Milionerëve të vetë-bërë në këtë studim iu deshën rreth shtatë vite për t’u bërë ekspertë brenda industrisë së tyre. Ata e bënë këtë kryesisht nëpërmjet leximit ose praktikës së pamëshirshme.

“Rregullat e mira apo zakonet e pasura që synojnë t’ju bëjnë të pasur, ose t’ju transformojnë në një ekspert në industrinë tuaj, duan një kohë të gjatë. Përqendroni forcat dhe kini durim”, përfundon studimi.

E.Z/SCAN