Nga Ylli Manjani

E përsëris: Miratimi i ligjit për Magjistraturën është akt ANTI-REFORMË dhe krejt i pastër KORRUPTIV!

Politika duhet të gjejë zgjidhje për të ngritur menjëherë:

1. Gjykatën Kushtetuese,

2. Gjykatën e Lartë,

3. Këshillin e Lartë Gjyqësor (KLGJ),

4. Këshillin e Lartë të Prokurorisë (KLP),

5. Inspektorin e Përgjithshëm.

Pa këto organe drejtësia është në kolaps. Shumë shpejt do dalin nga burgjet edhe të arrestuarit…

Po u ngritën këto Institucione zgjidhen të gjitha të tjerat. Edhe Shkolla e Magjistraturës, edhe SPAK, edhe BKH edhe Prokurori i Përgjithshëm.

Të gjitha zgjidhen!

Parlamenti nuk mund të merret me çështje që janë detyra kushtetuese dhe ligjore të KLGJ dhe KLP. Njësoj si me ligjin e Teatrit, ku Parlamenti merr vendime që i takojnë Këshillit Bashkiak! Ose njësoj si me zgjedhjen anti kushtetuese të Prokurores së Përkohshme të Përgjithshme!

Ndaj, të paktën Opozita duhet ti qëndrojë strikt nevojës për krijimin e institucioneve të renditura më sipër. S’ka asnjë temë tjetër për dialog, përveç krijimit të 5 institucioneve themelore të sistemit të drejtësisë!