Ëndrrat me Vishinskin e bëjnë burrë shteti edhe Elisa Spiropalin, lëre më Sandër Lleshajn

E mërkurë, 07 August 2019 14:44

Nga Ilir Nikolla

Albert Nikolla po vihet këto kohë në pozitë shumë të vështirë, sepse shefit të tij, Sandër Lleshajt, i duhet të mbrohet shpesh e më shpesh nga të pabërat që i dalin për fushë. Atij ju desh të mbronte të pambrojtshmen, natyrën kimike të ministrit, duke shpallur një të ashtuquajtur intifadë të mediave kundër “çlirimtar” ministrit. Se nga do na çlironte e kë armik do të zhbinte, Albert Nikollës nuk ja mbajti t’i përmendtte, edhe pse e përkundi idenë se opozita s’durohet, as me protesta e as pa protesta. S’durohet hiç!

Këtë herë, këshilltarit të Sandër Lleshajt (dhe të Edi Ramës, se ai po qarkullon këto kohë si në enë komunikuese, herë tek Lleshaj, e herë tek Edi Rama, si këshilltar për çështjet sociale) i duhet të mbrojë tenderin e uniformave të policisë, që për 4 vitet e ardhshme, me procedurën që po ndiqet, rrezikon t’i kushtojë buxhetit të shtetit 15 milionë euro më shumë sesa kostoja e parashikuar. Këtë herë është punë paresh, ministrin që përhap rreth vetes tymin e punëtorit dhe të të pakorruptueshmit e kanë zënë gafil, prandaj i duhet sërish të thërrasë në turpërim vartësin. Sa më i madh halli, aq më i madh shpërdorimi.

Ndryshe nga “avokatia” e mëparshme, tani Albert Nikolla ka identifikuar kolektivin, e ka rreshtuar Sandër Lleshajn, në një front me Edi Ramën, Erion Veliajn dhe...(çudi) Elisa Spiropalin. Me një nuhatje të cekët, artikullshkruesi e ka kandisur veten të mendojë se këta janë të fuqishmit e partisë e prandaj edhe kush sulmon Sandër Lleshajn, qoftë edhe për akuza financiare, sulmon sepse nuk i do të mirën Edi Ramës, Erion Veliajt dhe...(prit’e Zot rrezikun) Elisa Spiropalit. Nuk bën më punë profesionisti Sandër Lleshaj, njeriu i paparti Sandër Lleshaj. Tani kush sulmon ministrin, e sulmon si njeri të partisë.

Nën këtë rrobë të re mbrojtëse, artikullshkruesit i është dashur të qëmtojë edhe një metodë partie, për ta paraqitur si metodë linçimi që po u përdorka ndaj ministrit, vetëm e vetëm se dashka që uniformat e policisë të mos i qepë me 15 milionë euro, sa mendohet se është kostoja, por me 30 milionë euro, sa ka ardhur “oferta e kufizuar”. Metoda që ka zgjedhur për mbrojtje është metoda Vishinskij, është metoda që “ÇEKA-isti” i Stalinit ndiqte për të eliminuar kundërshtarët e diktatorit në parti (kryesisht hebrenj qenë ata) në vitet ’30.

Ç’mjerim! Një profesor që thotë se ka doktoruar me tezën e “njeriut të ri” në komunizëm, identifikon në demokraci akuzat për korrupsion ndaj ministrit të brendshëm si sulme menshevike kundër bolshevikëve. Jemi ende në demokraci, të paktën fasadën akoma ja ruajmë, dhe sulmet Sandër Lleshajt nuk i bëhen për t’i prishur karrierën në partinë e Edi Ramës, as për t’i zënë vendin në ministri e në partinë e Edi Ramës Sandër Lleshajt. Asnjë punë nuk kanë akuzatorët e Edi Ramës me ëndrrat e ministrit të brendshëm për karrierë në parti. Bile mund të them se ka gjetur vendin funksional për kultivimin e aso ëndrrash. Metoda Vishinskij është një metodë regjimi, ku prokuroria e gjykatat janë nënfishat e partisë, dhe ku akuzat dhe “thellimi në akuza” ishin paradhoma e burgut, se ashtu vendoste partia. Metoda Vishinskij s’ka si përdoret me rikoshet nga tribuna e Partisë Demokratike drejt Elisa Spiropalit ta zëmë. Akuzat për hajdutëri lëshohen në publik, që prokuroria të nisë hetimet kryesisht, por sa kohë e kemi kështu si e kemi prokurorinë dhe drejtësinë, jemi dakord se asnjë e keqe s’i vjen Sandër Lleshajt e Elisa Spiropalit. Ai le të mbrothësohet në Partinë e Edi Ramës, por të mos mbrohet se akuzat që i vijnë janë politike, sipas metodës “Vishinskij”. S’ka asnjë intifadë e as sulm bolshevik ndaj Sandër Lleshajt. Albert Nikolla le të mos i ngatërrojë kohët e t’i thotë hapur Edi Ramës se ministri i brendshëm nuk mund të mbrohet, duke u fshehur pas Elisa Spiropalit, e duke e klasifikuar këtë të fundit si “burrë shteti”. As ndaj Spiropalit kurrfarë metode Vishinskij nuk po përdoret. Sa kohë ekziston një prokurori miqësore me partinë e Edi Ramës, mirë është që çertifikatat e virgjërisë politike të merren tani shpejt se s’i dihet.

Edhe përdorimi i Fatos Nanos si cipë demokracie nuk shkon hiç në partinë e Edi Ramës. Emërimi i Sandër Lleshajt pa votim si mbikëqyrës i Lezhës, si dhe shmangia prej andej e Lindita Nikollës janë treguesi i qartë se si i zgjidhin bolshevikët punët e brendshme. Largimi i Lindita Nikollës mund të jetë bërë me metodën Vishinskij, ashtu si largimi i Ditmir Bushatit në Shkodër apo i Gjylametit në Tiranë. Partisë së Edi Ramës po që i shkon metoda Vishinskij, por s’ja kam frikën Sandër Lleshajt se ndoshta tani shpejt mund të bjerë viktimë e kësaj metode. Doktrina e AUP-së mund ta ndihmojë atë t’i kapërcejë pengesat, por edhe doktoratura e artikullshkruesit mund të bëjë punë. S’jam fort i sigurtë nëse përvoja e artikullshkruesit në Caritas mund të vlejë për ta nxjerrë Sandër Lleshajn nga ky telashi i 15 milionëshit të uniformave.

Për të tjerat, fati i Sandër Lleshajt s’ka pse të lidhet me fatin e Elisa Spiropalit përshembull, e as të çiftëzohet me marrëdhënien duale Rama-Veliaj. Ato janë të tjera punë e ndoshta edhe metoda Vishinskij mund të vihet në punë nga Partia e Edi Ramës. Edhe mbrojtja e dobët, se Sandër Lleshaj nuk preket, sepse s’ka demokraci në Partinë Demokratike, s’ngjit hiç. Profesor Albert Nikolla s’ka pse e kërkon “njeriun e ri” tek partia që rrëzoi diktaturën e të mos shohë pasardhësit e “njeriut të ri” tek Partia e Oligarkisë. Ai vetë po ha bukë tek ajo sofër, prandaj s’ka pse të predikohet “carità” në shtëpinë e tjetrit. S’ka kurrfarë grupi armiqësor të PD që po sulmon burrat e shtetit të PS-së, Sandër Lleshajn e Elisa Spiropalin kryesisht. Akuzat janë publike për shpërdorime financiare. Një shoqëri e shëndoshë s’duhet t’i ndalë këto akuza, se dikush kërkon të luajë rolin e viktimës, apo se kapoja i madh jep urdhër të nisë aksioni “metoda Vishinskij kundër PD”.

Metoda Vishinskij nuk funksionoi kundër PD-së në ’90-n, ndaj s’ka si të funksionojë në 2019-n. Fatkeqësisht, metoda Vishinskij po përdoret për të kalcifikuar në PS brezin e dytë të nomeklaturës së Bllokut dhe sa kohë do të ketë zëra të pakënaqur aty, Sandër Lleshajt do t’i funksionojë alibia se e sulmojnë politikisht dhe Edi Rama do besojë se ministri i brendshëm dhe Elisa Spiropali janë burra shteti. Edhe për ish-drejtorin e Caritas-it mund të ketë shesh për të bërë përshesh.

Modifikuar më E Enjte, 08 August 2019 16:02

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Ukraina dhe Rusia do të vazhdojnë bisedimet për gazsjellësin

Globi

Ukraina dhe Rusia do të vazhdojnë bisedimet për gazsjellësin

Kompanitë e gazit, respektivisht Gazprom e Rusisë, dhe ajo e Ukrainës, Naftogaz, kanë thënë se do të vazhdojnë bisedimet për të arritur një marrëveshje rreth transportit të gazit nga Rusia...

Detaje të rënda/ Mjekët ligjor hedhin dyshimet për çiftin nga Librazhdi, cili është shkaku i vdekjes

Aktualitet

Detaje të rënda/ Mjekët ligjor hedhin dyshimet për çiftin nga Librazhdi, cili është shkaku i vdekjes

Misteri i vetëhelmimit të çiftit nga Librazhdi nuk ka marrë ende një zgjidhje përfundimtare. Nuk dihet nëse Rezarta dhe Olsian Hajdari janë vetëhelmuar apo u helmuan nga dikush tjetër. Por burime...

Shevchenko tregon se cili lojtar është simboli i Milanit

Sport

Shevchenko tregon se cili lojtar është simboli i Milanit

Andriy Shevchenko ka përmendur Paulo Maldinin si simbolin e Milanit. Ish-sulmuesi Ukrainas dha një intervistë për “La Gazzetta dello Sport” dhe me rastin e 120 vjetorit të klubit të Milanit...

Sondazh

Nothing found!

Sondazh

Nothing found!