Nga Kastriot Dervishi

Organizata e “veteranëve”, nuk është gjë tjetër veçse një grup i strukturuar enverisësh, në radhët e të cilëve do të gjesh plot persekutorë apo pushtetarë të regjimit komunist. Synimet e tyre janë në dy drejtime: të mbajnë gjallë frymën enveriste të diktaturës komuniste si dhe të dëmtojnë buxhetin e shtetit nëpërmjet përfitimeve të pamerituara financiare. Veprimi i parë është midis të tjerash edhe në dobi të përçarjes kombëtare, pasi vazhdimisht emeton se vlerë një prej terroristët më të mëdhenj që ka parë Shqipëria si Enver Hoxha. veprimi i dytë, ai i përfitimit financiar, është realizuar duke mbushur deklarata për njëri-tjetrin sikur kanë qenë në luftë etj. Do mjaftonte mosha e tyre për të mos i marrë në shqyrtim fare. Organizata e sotme e “veteranëve” drejtohet nga Rustem Shefqet Peçi, i cili ka lindur në Picar më 5 shtator 1935. Babai i tij, figurë e njohur e regjimit komunist, në vitet 1939-1943 nuk ka asnjë aktivitet antifashist, madje figuron nën rrogë. Rustemi ka qenë 4 vjet kur filloi lufta dhe 9 vjeç kur mbaroi ajo. Kur Shqefqeti u bë partizan ai ishte vetëm 7 vjeç. krejt normalisht që nuk ka asnjë lidhje me luftën kundër fashizmit. Në vitet 1974-1985 ai ishte komandant i Shkollës së Bashkuar të Oficerëve “Enver Hoxha”. lexoni më poshtë një vlerësim të Komitetit Qendror për Rustem Peçin. Kritikohet për rutinën e punës, gjendjen disiplinore, liberalizëm dhe arrogancë, figurën morale, etj. Sot shoku në fjalë na shet moral. Karakteristika është përpiluar nga instruktori i Sektorit Ushtarak të Komitetit Qendror të Partisë së Punës.