Fahri Balliu i ftuar në RTV Ora shpërtheu në akuza ndaj kryetarit të Bashkisë së Tiranës Erion Veliaj duke e cilësuar një vegël pastrimi parash dhe vjedhjesh.
Për këtë ai iu referua projektit më të fundit për ndërtimin e një ndërtese bashkie ekologjike.
Për Balliun edhe vetë FBI-ja amerikane nuk ja del dot të hetojë serinë e tenderave korruptiv të Veliajt.
Balliu: Seria e dytë e krimit është Erion Veliaj. Ja kalon Kajmakut në disa aspekte emocionale. Ai është vegël pastrimi parash dhe vjedhjesh. Sot nxorri që do të bëj një ndërtesë bashkie ekologjike. Do të vjedhë dhe atje. Këto janë iniciativa që duhet të marrësh opinionin e Këshillit Bashkiak. Ai e hedh vetë dhe e bën vetë siç bën me tenderat. Dhe FBI-ja e Amerikës nuk ja del dot tenderave të Erion Velisë për vjedhje. 39 herë shkon në Stamboll, në datën 1 ikën dhe vjen në datën 6. Çfarë pune do të bëjë ky në datën 1 në Stamboll? Më e tmerrshmja është që dhe kur ky ikën jashtë këtu kronikat vazhdojnë në televizion sikur ky po merr pjesë këtu. Tirana është blozë nga nëntoka, tubacionet e ujit. Nuk ka qenë kurrë Shqipëria më në zi se sot. Këta kanë vetëm krim dhe vjedhje dhe shpifje. Ky është makinë universale shpifjesh.
