Kim Mehmeti: Një këshillë mbrojtësve të Shqipërisë nga një terrorist si unë dhe fëmijët e mi!

Premte, 16 October 2020 11:18

 

Prej disa ditësh mediat afër qeverisë po sulmojnë Presidentin e Republikës për dhënien e shtetësisë së shqiptarëve të Maqedonisë së Veriut dhe Kosovës. Sipas tyre, kreu i shtetit u ka dhënë pasaportë terroristëve dhe personave me rrezikshmëri për rendin dhe stabilitetin e vendit. Shumica e atyre që kanë përfituar nënshtetësinë, sipas ligjit, janë familjarë të dëshmorëve të UÇK-së, njerëz të artit dhe personalitete me kontribut për Shqipërinë. Një prej atyre që ka marrë shtetësinë është shkrimtari i njohur shqiptar nga Maqedonia e Veriut, Kim Mehmeti. Në një reagim publik, Mehmeti u përgjigjet gjithë akuzave lidhur me marrjen e shtetësisë nga ana e tij dhe familjes së tij.

Shkrimi i plotë i intelektualit Kim Mehmeti

 

E shoh se si mediat dhe portalet e Piktorit e të ‘Rilindjes’ janë alarmuar dhe janë vënë në mbrojtje të Shqipërisë nga qindra shqiptarët, të cilëve gjatë tre viteve të fundit u është dhënë nënshtetësia e saj, mes të cilëve bëjë pjesë edhe unë, e që do kishin mundur ta destabilizonin vendin me ndonjë veprimtari terroriste?!

As që më shkon ndërmend ta mbivlerësoj vetveten e t’u besoj atyre që thonë se rojtarët me prapanicë cullak të stabilitetit të mëmëdheut, janë zgjuar nga gjumi ditën kur më është dhënë mua nënshtetësia dhe kur është përhap lajmi se do mund të angazhohem politikisht në radhët e ndonjë partie opozitare, pra pa dashur ta nënvlerësoj angazhimin atdhetarë të atyre që e mbrojnë Shqipërinë nga unë dhe familjarët e mi, i këshilloj ata që të mos shkelin mbi parimin bujarë e fisnik të shqiptarisë se burri të vret, por nuk të prekë te fëmijët.

Andaj kur janë në pyetje djem e mi, të cilëve u është dhënë nënshtetësia shqiptare, të jeni të bindur se pasaportën me shqiponjën dykrenore ata e meritojnë më shumë se unë. Në mos për hiçgjë tjetër atëherë shkaku se kanë ngrënë shumë të shara e shumë dënime vetëm pse janë fëmijët e mi. Andaj lëreni që për here të parë të ndjehen mire pse janë djemtë e mi e unë të vetëgenjehem se sadopak, me diçka, ua kam shpërlarë fatkeqësinë që e kanë pas fat!

Sidoqoftë ne edhe tutje do vazhdojmë të bëjmë çdonjëri atë që do, atë që din dhe atë për çka e paguajnë: ju ta mbroni Shqipërinë nga ata si unë, e vogëlsia ime të bëjë çmos që ju të papenguar ta kryeni këtë detyrë atdhetare. Si dhe ta ngre zërin kundër atyre që janë duke e zhbërë familjen shqiptare, ta luftoj deshqiptarizimin e trojeve tona, tu kundërvihem rrënuesve të objekteve tona kulturore, ta kundërshtoj shpopullimin e trojeve shqiptare dhe të alarmojë se me qindra mijë shqiptarë, heqin dorë nga shqiptaria dhe nga nënshtetësia e Shqipërisë!

Pra sidoqoftë e di që ju me devotshmëri do e mbroni stabilitetin e Shqipërisë nga ata si unë, e unë do vazhdoj t’i nënshtrohem të vërtetesë se as mua e as juve, s’ka kush na mbron nga e keqja në vetvete, dhe se pashmangshëm do vijë dita kur saktësisht do qartësohet se me çka e kam rrezikuar unë Shqipërinë, e nga çka e keni mbrojtur atë ju nga unë!

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Basha: S’ka parti të dala nga PD, ka vetëm ato të krijuara nga Rama

Politikë

Basha: S’ka parti të dala nga PD, ka vetëm ato të krijuara nga Rama

  Kryetari i Partisë Demokratike, Lulzim Basha teksa është pyetur në lidhje me deklaratën e Sali Berishës se ai gaboi në 2017-ën kur hoqi nga lista demokratë të vjetër, pohoi se...

”Numri real shumë më i lartë”, Basha: Sipas një eksperti të njohur epidemiolog kemi 2500 raste ditore nga COVID-19 në Shqipëri

Politikë

”Numri real shumë më i lartë”, Basha: Sipas një eksperti të njohur epidemiolog kemi 2500 raste ditore nga COVID-19 në Shqipëri

  Kreu i PD, Lulzim Basha ka ngritur shqetësimin se numri real i të infektuarve nga COVID-19 është shumë herë më i lartë se ai që raportohet. Basha citon një ekspert epidemiolog...

LSI, Durrës: Shqiptarë, familja juaj do paguajë 20 mijë euro borxh publik

Politikë

LSI, Durrës: Shqiptarë, familja juaj do paguajë 20 mijë euro borxh publik

  Ada Spiru, petagoge ekonomie në Universitetin e Barit, afruar së fundmi me Lëvizjen Socialiste për Integrim, shkruan në një postim në Facebook se familjet shqiptare do të paguajnë 20 mijë...