Redaksionale

Ajo që po bën mazhoranca qeverisëse me Kuvendin, muajt e fundit, është një situatë e paprecedentë në historinë e 30-vjeçare të demokracisë shqiptare, por edhe në historinë e demokracisë perëndimore.

E përditshme ka qenë javët e fundit pamja kur deputetët e mazhorancës, ministrat apo edhe vetë Kryeministri Rama kanë zgjedhur të bojkotojnë. Një mazhorancë që zgjedhë të braktisë tempullin e demokracisë, aulën ku duhet të japë llogari para popullit të saj, ku duhet të shpalosë vizionin e saj për të ardhmen dhe begatinë e kombit.

Dhe çfarë bën Rama me qeverinë e tij?! Frika nga forca e argumenteve dhe provave të opozitës i bën që të zgjedhin verbërinë dhe shurdhërinë.

Vendi është në situatë të rëndësishme të historisë së tij, qoftë edhe në drejtim të ardhmërisë në Bashkimit Evropian. Kombi është në momente kyçe të historisë, Kosova, Maqedonia apo edhe zgjidhja e çështjeve me Greqinë janë pika kulmore të historisë sonë.

Ndaj përgjegjshmëria e qeverisë së shtetit amë të shqiptarëve duhet të jetë në nivelin maksimal.

Është normalitet dhe demokratike kur një opozitë vendos që aksionin e saj politik ta bazoj te bojkoti por është rast unik në botë kur një mazhorancë bojkoton. Kjo mazhorancë është unike në lidhjen e saj me krimin, është unike në dëmin që i bën vendit të saj, është unike me mënyrën se si sillet me demokracinë.

Kjo mazhorancë është unike dhe në mënyrë shembullore dhe unike e meriton rrëzimin. Populli shqiptar nuk ka më asnjë minutë kohë për të humbur me këtë qeverisje. /55news.al/