Ndërkohë që vendi po zien nga protesta në Rrugën e Kombit, kundër taksës së vendosur për kalimin e automjeteve, Edi Rama vijon fushatën e tij “Shqipëria Punon”, kësaj rradhe në Vlorë.

Kreu i qeverisë, ka treguar për të pranishmit disa raste kur persona të ndryshëm i kanë kërkuar vende pune.

Rama nuk e ka mohuar që qytetarët i janë ankuar që nuk ka vënde pune dhe ka treguar se një person i ka dërguar një mesazh : “Po vdes për bukë”.

“Ju e dini unë i përgjigjem atyre që më cojnë mesazhe, një prind nga Kukësi me karrierë në PS më thotë po vdes për bukë unë dhe familja ime, i them që nesër në punë por në privat. Ç’është kjo tha? Unë pranoj cdo punë, unë po vdes bashkë me familjen. Ia coj mesazhin zv.ministres që merret me këtë fushë, dhe dje më vjen mesazhi, s’po e lexoj se është për të qeshur e për të qarë.”-ka thënë Rama.

Gjithashtu ai i ka orientuar qytetarët se duhet të aplikojnë në sektorin privat.