Nuk është pyetje për mua: A do protestosh nesër?

Premte, 15 February 2019 17:52

Nga Mimoza Rexhvelaj

Unë protestoj çdo ditë kam arsye pafund për ta bërë, sytë më shohin ligësi, vuajtje, mjerim, e pamundur t'i them vetës : hesht!
Heshtja nuk është zgjidhje sidomos sot kur dinjiteti i njerëzve po nëpërkëmbet nga krye-pushtetari në foltoren e kuvendit, përçmues e tallës ndaj njerëzve, neveritës ndaj rasteve ku dhunohen gra e vajza, diskriminues ndaj aftësive ndryshëm, e nuk do shkoj më gjatë, çdo dalje e tij publike është fryerje për një shtresë shoqërore e ky nuk mundet dhe nuk duhet të jetë kryeministri ynë.
Pushteti kërkon të na shtyp mendimin ndryshe, mendimin e lirë me forma presioni, kërcënimi çdonjërit që guxon të thotë të vërtetën. Të jetë i lirë, liria paguhet shtrenjtë në vendin tim të pamundësive.
Shqipëria po boshatiset çdo ditë, njerëzit në pamundësi për të jetuar, për të duruar gjithë ligësinë e sulmet e përditshme, zgjedhin largimin, padrejtësia është bërë ligj. Kush ikën, shpëton!- kjo është motoja që dëgjohet gjithandej. Por unë jo nuk iki... unë qëndroj njësoj si shkëmbi nuk do tundem nga rruga ime dhe mos përtoni gjithë botën kundër le të ma vini.
Do listoja një listë të gjatë arsyesh për protestë që nga studentët, kushtet e tyre mizerabël në konvikte e salla leksionesh, taksa e shkollim i kushtueshëm sa një familje normale me zor ia del të kalojë disi... me bukën e gojës.
Të shkoj tek pensionistët, që ato dy kacidhe që marrin i bëjnë ilaçe e mos më thuaj se "Mjekësia Falas" gënjen nga parkingu i spitalit e deri tek ilaçet do i paguash, një patentë të ndërrosh nuk të ndreqin 100 mijë lekë...
Të shkoj tek biznesi, po falimenton taksa të larta dyfish, njerëz që blejnë me listë, konsumatori blen, bukë e ujë e zemër të bardhë se nuk të del më shumë.
Paguajmë shërbime që nuk i marrim, paguaj gjithçka përveç ajrit ky për momentin është falas.
Të shkoj tek bujqësia ku zona jonë jeton me kultivimin e duhanit, familjet kanë tre vjet që nuk e shesin dot, serat janë plot por kostoja me 2 mijë lekë të vjetra nuk del as për punimin e tokës.
Fshatra në terr, pa rrugë, pa ujë, pa kazanë, pa punë, pa bukë, pa minimumin jetik, dhe dikush guxon të më pyesi: a do protestoj?
Unë do protestoj, o me gjithë familje do jem në protestë. Sepse Edi Rama e qeveria e tij nuk do mundet më të na e vështirësoj jetë, ne nuk heshtim kurrsesi në shesh do jemi!
Gjej arsyet e tua të protestës dhe mos mungo, është detyrë e qytetarëve të lirë protesta!!

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...