Asambleja e Partisë Socialiste u mblodh pasditen e së hënës rreth orës 18:00 në sallën e Kishës Ortodokse. Pak minuta më vonë mbërriti në mbledhje kryetari i PS Edi Rama.

Përpara ambientit ku zhvillohej mbledhja nuk kishte gazetarë dhe operatorë sepse njoftimi i mbledhjes nuk iu shpërda zyrtarisht mediave.

Rreth orës 18:00 janë parë tre ambulance që kanë arritur në këto ambiente. Mjekë dhe infermierë kanë hyrë brenda, ndërsa një nga ambulancat është afruar më afër. Nuk dihet se kush ka pasur nevojë për ndihmë mjekësore dhe as rrethana të tjera. Më pas ambulancat janë larguar.

Operatori i Shijak Televizion Ledio Guni sjell gjithçka që ka mundur të filmojë në ato çaste.

Partia Socialiste njoftoi për mbledhjen e sotme administratën publike nëpërmjet një mesazhi, datën, orën dhe vendin ku do të zhvillohet. Ky takim vjen një ditë para protestës së paralajmëruar të opozitës.