Nga New York Times 
Tiranë, Shqipëri. Mijëra protestues, mbështes të opozitës rrethuan parlamentin të martën, duke kërkuar dorëheqjen e qeverisë dhe zgjedhje të parakohshme, pasi akuzuan kabinetin qeveritar për korrupsion dhe lidhje kriminale.

Megjithëse pati disa raste ku u hodhën flakadanë dhe u dogjën goma makinash, protesta u mbyll në mënyrë paqësore. Ndërtesa e parlamentit në kryeqytetin e Tiranës ishte rrethuar nga qindra policë dhe tela me gjemba.
Ligjbërësit e opozitës të djathtë të Partisë Demokratike kanë dhënë dorëheqjen nga postet e tyre dhe opozita ka premtuar të mbajë tubime sa herë të mblidhet parlamenti.

“Vetëm zgjedhjet e lira dhe të ndershme do ta hapin derën drejt Europës”, tha Lulzim Basha, kreu i Partisë Demokratike.

Katër kandidatë të rinj nga opozita u betuan po këtë të martë si deputetë të rinj në Parlamet. Kryeministri Edi Rama bëri thirrje opozitës thirrje për dialog, por deklaroi se “ata nuk e negociojnë demokracinë, parlamentarizmin dhe mandatin e marrë nga shumica e qytetarëve”.

Opozita nuk ka marrë parasysh thirrjet nga Bashkimi Evropian dhe ndërkombëtarët për të hyrë në bisedime me rivalët politikë. Socialistët kanë 74 deputetë në parlamentin me 140 vende. Tubimet e fundit nga mbështetësit e opozitës janë kthyer në dhunë me policinë që u kundërpërgjigjet me gaz lotsjellës.

Shqipëria shpreson, që në qershor, të hapë negociatat e anëtarësimit me Bashkimin Evropian.