Me urdhër të Edi Ramës dhe Sandër Lleshajt, policia e shtetit na shfaqi mbrëmjen e së shtunës pamje të cilat prej vitesh nuk ishin parë në kontinentin Evropian.  Një barbari e vërtet që në disa raste i kalonte edhe skenat në disa prej diktaturave më të ashpra të globit.

Viktimë e kësaj barbarie ka rënë edhe sekretari organizativ i PD, Sait Dollapi, i cili u dhunua në mënyrën më të pabesë të mundshme. Të gjithë tashmë i kemi para syve ato pamjet të rënda, në mes të kryeqytetit të një vendi anëtar të NATO-s dhe me statusin kandidat për në Bashkimin Evropian.

Por pse u dhunua Sait Dollapi aq poshtërsisht nga policia? Ai u dhunua sepse përfaqësonte pastërtitë dhe drejtësinë e asaj proteste. Ai u dhunua pasi bëri ç’ është e mundur gjatë gjithë protestës të mbronte policinë nga zemërimi i turmave.

Sait Dollapi ishte në front të parë në mbrojtje të policëve.  Ndërkohë që Edi Rama i kishte nxjerrë policët aty, duke shpresuar se do të dhunoheshin ashpër nga disa protestes, Saiti ishte aty për të ndalur qytetarë të irrituar, të cilët shpesh herë merziteshin edhe me atë vetë sepse nuk i lejonte ato të përplaseshin me policinë por ata e kuptonin.

Rama dhe Lleshaj e braktisën policinë dhe nuk e vejnë ujin në zjarr për ta, por Sait Dollapi ishte aty për t’i mbrojtur.

Nga dhuna e paprecedentë dhe makabre ai u dëmtua rëndë. Ai sot do të bëjë një ndërhyrje kirurgjikale për shkak te dëmtimeve të mëdha.

Sot Shqipëria do të ngrihet serish. Ata kanë një arsye më shumë për tu ngritur. Do të protesojnë edhe për Sait Dollapin dhe për familjen e tij. Pasi sot e gjithë Shqipëria është me Sait Dollapin.