“Drejtësia të fillojë me Taulant Ballën”, Caka: Çmimet që do paguajë

E Enjte, 04 July 2019 19:32

Ish-deputetja e LSI, Silva Caka, është bërë pjesë e debatit të fundit politik mbi Reformën në Drejtësi. Caka shkruan në “Facebook” se as dënimi i Taulant Ballës nuk e mbron apo shpëton dot këtë reformë. Sipas saj, Balla duhet të sakrifikojë përfitimet që i ka sjellë pushteti gjithë këto vite atij dhe shokëve të tij, pastaj të flasë për Reformën në Drejtësi.

“Rilindja ka plot të tjerë që duhen konsideruar si çmimi që duhen paguar për të mbrojtur/shpëtuar Reformën në Drejtësi, por le të fillojë nga Taulanti një herë, se me Taulantin nuk shpëton vetëm Reforma; shpëton edhe dinjiteti dhe morali njerëzor”, shkruan mes të tjerash Caka.

Mesazhi i Cakës:
As dënimi i Taulant Ballës nuk e mbron apo shpëton dot Reformën në Drejtësi!

Edhe pse Taulanti ka ndërmarrë me shumë zell misionin e pamundur të shkarkimit të Presidentit, besoj e ka më të qartë se kushdo tjetër, që çmimi që duhet paguar për të mbrojtur reformën në drejtësi (nëse ka mbetur ndonjë fije për t’i mbrojtur/shpëtuar Reformës), është më së pari ai vetë!

Pra, me pak fjalë, Taulanti duhet të sakrifikojë përfitimet që i ka sjellë pushteti gjithë këto vite atij dhe shokëve të tij e pastaj hajde të flasim për Reformë në Drejtësi.

E thënë në raste konkrete, çmimet që duhet të paguhen nga Taulanti, janë këto:

1. Të përballet me drejtësinë (jo këtë që krijuan vetë) për gjithë tenderat e aferat korruptive, ku Taulanti ka futur hundët për miqtë e tij e që i kanë kushtuar shqiptarëve gati 14 milionë Euro;

2. Të përballet me drejtësinë (jo këtë që krijuan vetë), për lidhjen e pazgjidhshme, të emrit të tij me 3.4 milionë Eurot, që u gjendën në Toyota Yaris;

3. Të përballet me drejtësinë (jo këtë që krijuan vetë), për devijimin e shtratit të Lanës, me qëllim përfitimin e miqve të tij;

4. Të përballet me drejtësinë (jo këtë që krijuan vetë), për akuzat e herëpashershme të qytetarëve të Elbasanit, për shpyllëzim të qarkut, për favorizime në tendera, për emërime te paligjshme në këtë qark e shumë të tjera, që i ka kryer nën cilësinë dhe pandëshkueshmërinë e të qenurit deputet!

Taulanti i ka marrë shumë këtij vendi dhe në këmbim i ka ofruar vetëm figurën e një njeriu shpinëkërrusur që përfiton prej lëpirjes dhe figurën e mallagares deri në neveri.

Rilindja ka plot të tjerë që duhen konsideruar si çmimi që duhen paguar për të mbrojtur/shpëtuar Reformën në Drejtësi, por le të fillojë nga Taulanti një herë, se me Taulantin nuk shpëton vetëm Reforma; shpëton edhe dinjiteti dhe morali njerëzor

Login to post comments

Lajmet e fundit

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Politikë

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Nga Onelda Zefi: Vendoset veto ne lulishten e vetme qe ka ngelur ne zonen e Parafabrikateve tek Rr:Llambi Bonata ne Kombinat. Shikoni sesi Lali Eri vazhdon te tallet me Kombinatin te Cilin...

Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.

Politikë

Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.

Nga Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.Prej dy ditesh ne Hotel “Tirana” po zhvillon punimet, e ndare ne dy auditore, Konferenca e Pare Nderkombetare, njekohesisht dhe...

'Drejt Gjermanisë', UEFA publikon disa nga fotot më ikonike të Shqipërisë

Sport

'Drejt Gjermanisë', UEFA publikon disa nga fotot më ikonike të Shqipërisë

Shqipëria u kualifikua për herë të dytë në historinë e saj, në një kampionat Europian.   Kuqezinjtë i mbyllën kualifikueset në vendin e parë, duke lënë pas kombëtare të forta si Çekia...