Kryetarja e LSI-së Monika Kryemadhi e ftuar mbrëmjen e sotme në emisionin ‘Çim Peka LIVE’ në SYRI TV dhe SYRI.net ka sulmuar ndërkombëtarët në Tiranë.

Në një bisedë me gazetarët Çim Peka, Arion Sulo dhe Bledian Koka, Kryemadhi ka treguar edhe një bisedë të bërë në zyrën e saj në LSI në muajin janar 2019.
‘Një zyrtar i ambasadës së SHBA me erdhi në zyrë në muajin janar dhe më tha:
SHBA jo vetëm që nuk do të pranojmë djegien e mandateve, por do të dalim kundër.

Bojkotin e zgjedhjeve lokale jo vetëm që nuk do ta pranojmë por do të dalim kundër.

Këto kanë ndodhur në muajin janar. Dhe unë i kam thënë se ende nuk kemi vendosur gjë për këto gjëra’, deklaroi Monika Kryemadhi në ‘Çim Peka LIVE’.