Drejtësi për viktimat e 26 Nëntorit. Këtë kërkon Sekretari i Përgjithshëm i PD, Gazment Bardhi përmes një postimi në Facebook.

Sipas numrit dy të selisë blu, autorët e vrasjes së paralajmëruar të 24 qytetarëve në pallatet e Thumanës duhet të vihen menjëherë përpara drejtësisë

“Autorët e vrasjes së paralajmëruar të 24 qytetarëve në pallatet e Thumanës duhet të vihen menjëherë përpara drejtësisë.

Asnjë propagandë, me apo pa përdorimin e fëmijëve, nuk e fsheh dot të vërtetën! Qytetarët vdiqën nga papërgjegjshmëria e Qeverisë për të bërë detyrën pas tërmetit të 21 Shtatorit! Institucionet shtetërore neglizhuan çarjet e strukturës nëpër banesat në Thumanë deri në momentin fatal të mëngjesit të 26 nëntorit. #Drejtësi për viktimat e 26 Nëntorit", shkruan Sekretari i Përgjithshëm i PD, Gazment Bardhi.

Në postimin e tij, Bardhi shton edhe kronikën e Abc News, ku tregohet se si banesat në Thumanë kishin pësuar dëme nga termeti i 4 korrikut 2018, nga ai i 21 shtatorit 2019, por askush nga qeveria nuk kishte reaguar.

Sipas të mbijetuarve autoritetet vendore, kishin shkuar i kishin parë shtëpitë në tetor, por nuk u kishin thënë që të mos hynin brenda.