Pasditen e sotme, banorët e Thumanës të mbetur pa banesa nga tërmeti tragjik, të cilët janë strehuar në hotelet në Lezhë, u është kërkuar nga bashkia Krujë që të lënë ambientet e hotelit.
Rasti është denoncuar nga ish deputetja Lindita Metaliaj, e cila ka postuar në Facebook, denoncimet e banorëve të cilët kanë refuzuar të lënë ambientet e hotelit.
Sipas tyre, bashkia u ka kërkuar nga banorëve të firmosin për të dalë nga ambientet e hotelit ku strehohen dhe të kërkojnë banesa me qera duke ju ofruar vetem 30 mijë lekë të vjetra për frymë.
Postimi i plotë:
Banorët e Thumanës apelojnë për ndihmë!
Shteti po i vret per se dyti!
Krim shteteror pas termetit te 26 nentorit!
Qeveria e paaftë dhe e dështuar tashmë sillet në mënyrë kriminale me qytetarët e saj!
Sot përfaqësues nga Bashkia Krujë u kanë kërkuar banorëve të firmosin për të dalë nga ambientet e hotelit ku strehohen dhe të kërkojnë banesa me qera duke ju ofruar vetem 30 mijë lekë të vjetra për frymë. Kjo sjellje kriminale dëshmon edhe njëherë braktisjen e këtyre banorëve duke tentuar ti hedhin në rrugë,pa mbështetje e përkrahje nga shteti i falimentuar i propagandës dhe i hajdutërise!
Ata nuk pranojnë të nënshkruajnë asgjë,dhe sot ata kane refuzuar edhe drekën.
Dëgjoni dëshmitë e tyre!
