Kryetari i Partisë Demokratike, Lulzim Basha ka zhvilluar sot një bisedë me një farmacist në Tiranë, ku kanë folur për situatën për shkak të pandemisë.
Gjatë bashkëbisedimit, farmacisti i pohoi Bashës se minimalisht kura për COVID-19 shkon 500 mijë lekë. Ndërkohë, lideri demokrat tha se kjo është një kosto e papërballueshme për familjet shqiptare.
PJESË NGA BISEDA
Farmacisti: Të sëmurët me covid janë shtuar.
Basha: Sa pacientë vijnë çdo ditë?
Farmacisti: Të paktën 10 ose 20. Janë shtuar shumë. Është dhe periudha e gripit tjetër dhe virusi.
Basha: Sa ju shkon blerja për çdo pacient?
Farmacisti: Për të mbyllur ciklin e sëmundjes duhen 500 mijë leke. Tendenca per te shitur jane antibiotiket.
Basha: Situata është e vështirë. jemi te ekspozur gjithe kohes. Nuk ka familje shqiptare që të përballojë sëmundje të tilla. Juve ua kane bere tamponin?
Farmacisti: Jo!
Basha: Po kolegeve tuaj?
Farmacisti: Jo
Basha: E kuptoj!
Farmacisti: Ka me shume te semure, por jo me ate agresivitet.
Basha: Sa eshte shtuar numri i pacienteve keto dy jave?
Farmacisti: Dyfish. Aparati i oksigjenit shkon deri në 1200 euro. Por ka dhe kompani që e japin me qira. Format e rënda duan oksigjen, se rimarrin dot veten.
Basha: Të uroj shëndet, pasi je ikonë në këtë shërbim. Të uroj shëndet e mbro veten që ta kalosh sa më lehtë këtë situatë.
