Ambasadorët e SHBA dhe BE në Tiranë, Yuri Kim dhe Luigi Soreca kanë zhvilluar një takim me kryetaren e KLGJ, Vitore Tusha.

Në një postim të sajin në Twitter, Kim shkruan se brenda këtij viti Gjykata Kushtetuese duhet të jetë funksionale.

Yuri Kim: Bashkë me Luigi Soreca takuam sot kryetaren e KLGJ Tusha për të rikonfirmuar afatin kohor për të caktuar kandidatë e kualifikuar për Gjykatën Kushtetuese. Takimi i nesërm i KLGJ që përfshin Parlamentin dhe Presidencën, duhet ta çojë procesin përpara në mënyrë që … të ketë një Gjykatë Kushtetuese funksionale deri më 31 dhjetor.

Kur kjo të ndodhë, atëherë presidenti Ilir Meta, kryeparlamenti Ruçi dhe kryetarja e KLGJ Tushe do të meritojnë merita për ndërmarrjen e veprimeve urgjente në përputhje me opinionin e Komunitetit të Venecias & në përgjigje të kërkesës së popullit shqiptar për Reformën në Drejtësi.