PD ka denoncuar sot përmes ish deputetes Jorida Tabaku, një tjetër abuzim sipas saj me fondet e rindërtimit. Tabaku u shpreh se 5 nga 12 godina te zona “5 maji” po kthehen në zyra luksi për “Hajdutët e Fatkeqësisë” në qeveri dhe bashki, ndërsa akuzoi kreun e qeverisë, Edi Rama si edhe kryebashkiakun Veliaj.
“Ato duan që paratë që duhet të ndërtonin shtëpitë e shqiptarëve aty ku u shembën, të ndërtohen zyrat e luksit. Ky është një akt i paligjshëm, në kurriz të interesit publik. Pse duhet që qeveria dhe bashkia të uzurpojnë hapësirat që u takojnë qytetarëve, kur zyrat i kanë që tani shumë të rehatshme? A duan të lirojnë godinat në qendër të Tiranës për ta dhënë truallin për ndërtim kullash të tjera dhe pastrim parash?” u shpreh Tabaku.
