Protesta e mbrëmshme në Tiranë për vrasjen e Klodian Rashës nga policia u pasqyrua edhe në mediat e huaja.
Agjencia e lajmeve Reuters shkruan artikullin me titull “Shqiptarët protestojnë pasi policia qëlloi për vdekje një person për shkelje të shtetrrethimit nga koronavirusi”.
reuters
Më tej agjencia shkruan se fillimisht policia raportoi për një pistoletë të gjetur pranë viktimës Klodian Rasha, por më vonë u tha sërish prej organeve shtetërore se arma nuk i përkiste atij.
Ndërkohë, Associated Press shkruan se perleshjet shpërthyen në Tiranë gjatë një proteste për vrasjen e një 25-vjeçari nga policia.
Edhe tabloidi DailyMail bën një përmbledhje të të gjithë asaj që ka ndodhur gjatë dy ditëve të fundit në Shqipëri dhe thekson se i riu u vra sepse shkeli orën policore.
Për ngjarjen kanë shkruar edhe mediat të tjera, turke, gjermane dhe greke.