Ish-deputeti i PD, Klevis Balliu ka kërkuar nga Prokuroria që të nisë hetimet në lidhje me përgjimet e publikuara nga antimafia italiane.

Balliu ka thënë se truproja e Erion Veliajt ka dhunuar një gazetar të Ora News, në tentativë për të intervistuar kryebashkiakun, ndërkohë që shton se hetimet e përgjimeve nuk kanë përfunduar.

Balliu: Ka ardhur koha që gjykatat të mos hetojnë protestues, qytetarë të thjeshtë të këtij vendi, most ë hetojnë ata që ngrihen kundër babëzisë, drogës, krimit, por anëtarët dhe bashkëpunëtorët në aferat korruptive dhe mafioze të Ndraghetës në Shqipëri, duke filluar nga Erion veliaj si përfaqësues I tyre në Bashki, që nga bashkëpunimi i tij me Flavio Tosin. E patë sot se si truprojat e tij dhunuan në mënyrë të paturpshme gazetarin e Ora News, që kërkonte ti bënte një intervistë për këtë çështje.

Herën tjetër arriti ti fshihej nëpërmjet rojeve të tij, erdhi me biçikletë, doli nga mbrapa dhe pastaj servir propagandën e tij. Unë do t’i kërkoja Prokurorisë që të fillojë hetimet serioze për aktet mafioze dhe për pastrimin e parave, që është faktuar me përgjimet e publikuara. Dje kryeministri tha që hetimet janë mbyllur, dhe vetë gazetarja italiane që i publikoi përgjimet e tha dhe publikoi që në diskutimin e saj me prokurorin asaj çështje, hetimet nuk janë mbyllur. Fakti që Edi Rama e mohon atë do të thotë që është e vërtetë