Presidenti i Republikës Ilir Meta ka kujtuar sot 4-vjetorin e ndarjes nga jeta të shkrimtarit Dritëro Agolli. Në një postim në Facebook, Kreu i Shtetit thotë se Dritëroi do të jetë gjithmonë pranë nesh me idetë e tij të vyera në letërsi, art dhe politikë.
Teksa ka publikuar një video me vargjet e poezisë “Kur të jesh mërzitur shumë”, recituar nga vete Dritero Agolli, Presidenti Meta shkruan:
“Dritëroi ynë i madh dhe i paharruar dritëron përjetë në çdo varg, libër, mesazh e këshillë të mençur, që na la trashëgim të gjithëve.
Me rrënjët e thella në popull, shprehës i fuqishëm i shpirtit të shqiptarit të thjeshtë, të ndershëm, punëtor e patriot, Dritëroi do të jetë gjithmonë pranë nesh me idetë e tij të vyera në letërsi, art dhe politikë.
Shumë mall për ty mik i shtrenjtë, që na mungon kaq shumë
