Analisti Kim Mehmeti, në Syri Tv, tha ndër të tjera në komentin e javës se është naivitet i madh të krahasosh Edi Ramën apo Piktorin siç ai e quan me Albin Kurtin, apo Rilindjen me Vetëvendosjen.
“E majta e piktori nuk ështe as e majtë dhe as e djathtë.
E majta e piktorit është tallje, është një ideologji e bazuar në batuta, aq sa shkon edhe në poshtërimin e popullit të vet, sa shkon në shtëpinë e një gruaje dhe i thotë do të të sjellë një dem, jo për ty po për lopën,
Dhe i gjithë populli qesh. Shqipëria zbavitet me batutat e piktorit. Kosova është pak më serioze. Duhet ta pranojmë. Kosova nuk lejon ta tallesh, Ajo mund të lejojë ta vjedhësh sepse nuk e shikon hajdutin kur i fut dorën në xhep, por nuk lejon ta tallësh. Kjo më habit që Shqipëria lejon piktorin ta tallë. Është mëkat që të krahasosh piktorin me Albin Kurtin. Është naivitet që të krahasosh Vetëvedosjen me Rilindjen.
Piktori dhe Rilindja nuk kanë asnjë koncept politik Ai është vetëm kap çfarë të kapësh dhe merru me batuta. Zbavite popullin që të mos ketë nevojë as të shkojë në kinema, as në cirk. Qeveria në Shqipëri është edhe kinema, edhe cirk. Me atë që mendoj unë LSI është e majtë në Shqipëri, kurse PS prej kohësh është një kompani private e piktorit”,- tha Kim Mehmeti