Kim Mehmeti: Rama nuk ka hallin e vaksinave për shërimin e njerëzve, por se si t’i mashtrojë për vota

Saturday, 03 Prill 2021 09:07

 

Nga Kim Mehmeti

Maqedonia e ndërpreu regjistrimin e popullsisë. Edhe atë ashtu siç ndodh në një shtet ku institucion më i lartë është partia, ku ‘ligj’ më i vlefshëm është marrëveshja e arritur mes kryetarëve partiak, e të cilët sillen si bajraktarë fisesh. Pra regjistrimi u ndërpre pasi u ulën kryetarët e partive maqedonase, ai i VMRO-DPMNE’së dhe ai i LSDM’së dhe, mbase i kanë thënë njëri tjetrit – më mirë ta ndërprejmë, sepse do merret vesh sa pak jemi ne, e sa shumë janë të tjerët.

 

Dhe pastaj, për vendimin e marrë, i informuan partitë shqiptare. Me çka ia mundësuan BDI’së që, siç i takon vasalit besnik, vendimin e liderëve sllavo maqedonas, ta pëlqejë e ta shpallë si shumë të dobishëm për shqiptarët e Maqedonisë.

Pra Maqedonia e ndërpreu regjistrimin e të gjallëve që dallojnë për nga përkatësia etnike, por për fat të keq, nuk mund ta ndalë numërimin e të vdekurve nga pandemia.

Dhe njësoj siç nuk dihet numri i saktë i banorëve të këtushëm sa i përket përkatësisë së tyre etnike, nuk dihet as numri i të vaksinuarve kundër virusit Covud19, sepse dihet sa vaksina kanë hyrë në vend, por nuk dihet sa qytetarë të Maqedonisë kanë dalë jashtë vendit dhe janë vaksinuar nëpër qytete e Sërbisë.

Sa i përket numrit të vaksinave dhe vaksinimit, Shqipëria është e paarritshme për Maqedoninë. Shqipërinë është e paarritshme për Maqedoninë edhe sa u përket paradave të pritjes së vaksinave dhe të vaksinimit të pleqve nëpër sheshe qytetesh e fshatrash, e të cilat parada bëhen nën mbikëqyrjen e ‘bamirësit dhe shpëtimtarit’ të vetëm të popullit – Kryeministrit të vendit.

Sa i përket Kryeministrit të Shqipërisë, mbase nuk dihet saktë se vallë atë më shumë e trishton numri në rritje i përkrahësve të opozitës, apo ai i të infekturave nga virusi Covid19, por nuk ka dyshim se ai nuk ka gjithaq hallin e numrit të jetëve që do shpëtojnë vaksinat, por atë të votuesve që ato do i sjellin ‘Rilindjes’ së tij, tani të maskuar me trëndafilin e PS-së.

Dhe frika nga përballja e 25 prillit atë e bënë të mos i ngjajë një Kryeministri që plotë tetë vite është paguar për t’i shërbyer popullit, por vullnetarit të ndonjë organizate humanitare që flijohet dhe punon falas për Zot e për Milet!

Si i tillë, sa nuk thotë se po të mos ishte ai, nuk do mbetej gjallë asnjë shqiptar. Me çka çdokush që ka sy për të parë e kokë për të menduar, e kupton se Shqipëri është marrë peng nga ata që janë rrogëtarë të popullit, por që ndjehen si pronarë të shtetit

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...