Mbi 16 mijë persona do të votojnë në kontejnerë, Billa: Nuk i përmbushin kriteret

E Enjte, 15 Prill 2021 22:32

 

Kreu i KZAZ nr.29 Ramiz Billa, i ftuar në “Radari Informativ”, foli për procesin zgjedhor dhe qendrat e votimit.

Ai bëri me dije se në terren janë bërë verifikime për qendrat e votimit, ku edhe ka rezultuar se disa prej tyre nuk i plotësonin kushtet.

“Nga ana jonë u bë një mbledhje dhe u vendos që anëtarët të dilnin në terren për të parë nëse plotësohen kushtet ku rezultoi se disa qendra votimi nuk i plotësonin kushtet”, tha Billa.

 

Gjatë intervistës në studio me gazetaren Jonida Shehu, Billa po ashtu u shpreh se pas një vëzhgimi, në 30 mars i kanë dërguar një shkresë KQZ për gjendjen e qendrave që nuk i përmbushnin kriteret.

 

Ai theksoi se nga ana e bashkisë është sugjeruar të vendosen 17 kontejnerë, të cilat në 25 prill do të përdoren si qendra votimi për plot 16,603 zgjedhës.

 

Këto kontejnerë janë vendosur në bulevardin “Migjeni” në Kashar.

“Unë kam shkuar vetë në momentin që po instaloheshin dhe sipërfaqja e tyre është 30m katror. Nëse bëjmë krahasim me shkollat që nuk i plotësonin kushtet, theksoj se edhe këto nuk i plotësojnë kriteret, me ligj. Në këtë kohë pandemie unë them se nuk i plotësojnë kushtet,dhe akoma më e rëndë është se të gjithë votuesit ende nuk e dinë se ku do të votojnë”, tha ai.

Billa më tej shtoi se kjo përbën një problem sepse votuesit e dinë që listat janë të afishuara në ish-shkollën 9-vjeçare Yzberisht, ndërsa votimi do të bëhet tek këta kontejnerë.

“17 mijë veta do të votojnë në 17 kontejnerë e vendosur aty. Unë besoj se do të krijohet kakofoni. Për mua, përgjegjësia e drejtpërdrejtë është e pushtetit vendor sepse kishte të gjithë kohën e përshtatshme për të verifikuar kushtet dhe për të realizuar një proces zgjedhor normal. Por them se procesin zgjedhor do ta monitorojmë për të pasur një situatë sa më të qetë”, përfundoi ai.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Ardit Çela publikon faktet tronditëse që zbuloi KAS në kutitë e Beratit!

Politikë

Ardit Çela publikon faktet tronditëse që zbuloi KAS në kutitë e Beratit!

  Kandidati i LSI (i pari në listën e partisë për qarkun e Beratit), Ardit Çela, ka publikuar ditën e sotme fakte skandaloze të manipulimit të votave të dala nga hapja...

Hapja e kutive të Beratit, kandidati i LSI-së: Zgjedhjet e 25 Prillit u vodhën, tmerrësisht dhe dhunshëm

Politikë

Hapja e kutive të Beratit, kandidati i LSI-së: Zgjedhjet e 25 Prillit u vodhën, tmerrësisht dhe dhunshëm

  Komisioni i Ankimeve dhe Sanksioneve ka hapur kutitë e parë të kontestuara të materialeve zgjedhore në Qarkun e Beratit, ku Lëvizja Socialiste për Integrim nuk e mori mandatin e deputetit...

Deklarata e plotë e Sekretarit të Përgjithshëm të LSI, Endrit Braimllari

Politikë

Deklarata e plotë e Sekretarit të Përgjithshëm të LSI, Endrit Braimllari

  Mirmbrëma! Hapja e kutive të Beratit tregon qartë masakrën elektorale të 25 prillit. Rilindja, jo vetëm përdori administratën publike, Policinë e Shtetit, grupet e strukturuara kriminale por dhe ka ndërhyrë...