-Ministrat kanë filluar natën vonë të mbledhin plaçkat nëpër zyra duke i ngarkuar në makinat e tyre për ti larguar nga ndertesat e ministrive. Mësohet se disa ministra problematikë po shikojnë edhe njëherë dokumentat që kanë firmosur ndër vite, sepse qeveria e re PD-LSI do ti skanojë një për një për ti dërguar në SPAK. Po kështu dhe në zyrat e kryeministrisë po djegin shkresa e letra që mund ti komprementojnë pas 25 prillit.

Kur mbetën edhe tre ditë nga 25 prilli, humbja e Rilindjes duket edhe më e qartë. Të parët që kanë dhënë shenja humbje janë drejtuesit e saj. Deklaratat e Edi Ramës në fushatë, pa asnjë premtim, projekt apo dhe ide për qeverisjen e tij, tregojnë se kryeministri edhe vet nuk ka shpresë te mandati i tretë. Po bën një fushatë të sforcuar, me sharje dhe akuza dhe pa ngjyrat e zakonshme që ka veshur betejat e mëparshme elektorale si piktor politikë. Njerëzit që janë afër kryeministrit thonë se në publik ai tenton të duket i qetë, gjoja me batuta, por në ambientet private “nuk i flitet me gojë” dhe gjithë inatin e situatës kritike si Rilindje e derdh mbi ata që e rrethojnë.

Kryeministrit nuk i dalin llogarinë për fitore dhe megjithëse ka 4 vjet që investohet të shkatërrojë LSI-në, shifrat i thonë se gropën më të madhe në vota e ka pikërisht prej kësaj force politike. Ndaj dhe sulmet ndaj LSI, Monika Kryemadhit dhe kujtdo që është pjesë e kësaj partive nga qeveria bëhen përditë dhe më të rënda. E gjithë propoganda e Edi Ramës ka synim zbehjen e LSI, parti e cila bën qeverinë. Pra pa votat e saj nuk bëhet qeveria e re e pas 25 prillit. Ndaj të parët që po i largohen Rilindjes janë biznesmenët. Janë pikërisht ata njerëzit që rrinin paradite dhe pasdite në zyrën e kryeministrit dhe diskutojnë tendera, koncesione dhe investime “strategjike”, dhe në darkë vonë thonë “iku ky, të shikojmë andej nga opozita”. E kanë ndjerë klimën e humbjes në kampin e Rilindjes dhe po shohin të vendosin kontakte me palën tjetër, ose thjesht janë tërhequr për të parë zhvillimet deri në minutën e fundit. Ikja e tyre nga Rama është sinjali tjetër se dështimi është shumë afër. Goditja më e rëndë këto ditë PS-së nuk i erdhi nga opozita, por nga media. Publikimi në lapsi.al i bazës së të dhënave me të cilat shantazhonte PS qytetarët dhe spiunonte këdo, kanë krijuar një urrejtje dhe neveri për qeverinë. Të parët që janë distancuar nga PS janë të famshmit patronazhistë (fuksa). Nën presion publik dhe para fakteve që i nxorën si spiunë, militantët e vijës së parë të PS janë tërhequr dhe kanë lënë fushatën në mes. Askush nuk do të votojë më PS, pasi ka marrë vesh se i ka përgjuar dhe i klasifikon njerëzit jo thjeshtë në bazë të bindjeve politike, por dhe ngjyrës së lëkurës dhe besimit fetar. Nuk ka më të rinj dhe të reja që duan të identifikohen me një parti që është bërë në vitin 2021 çerdhe e spiuneve dhe promovon racizmin dhe ndarjet fetare e krahinore të Shqipërisë. Humbja është e qartë në PS dhe më mirë sesa kushdo tjetër këtë e kanë kuptuar ministrat e Edi Ramës. Thuajse të gjithë anëtarët e kabinetit qeveritar këto ditë po bëjnë gati plaçkat. Fillimisht po heqin dokumentet kritike nga zyrat e tyre. Po rishikojnë firmat që kanë hedhur në koncesione dhe në afera dhe po flasin me avokatë. Siç dihet, Edi Rama nuk ka firmosur asgjë problematike me dorën e vet, dhe nëse një ditë do të jepet llogari për krimet, të parët që do thirren në prokurori janë ministrat. Ndërsa këto orët e fundit po heqin edhe orenditë personale dhe gjithë objektet që mund të marrin me vete. Në disa ministri janë parë furgonë dhe kamionë transporti mallrash, gjatë orëve të vona të natës. Të gjithë ministrat po bëhen gati që më pas 25 prillit të mos jenë në Tiranë.

Fundi po vjen për Rilindjen