Parlamenti Holandez miratoi raportin duke i dhënë dritën jeshile mbajtjes së Konferencës së parë ndërqeveritare mes Shqipëri dhe bashkimit Evropian.
Si një nga vendet skeptike për çeljen e negociatave me Shqipërinë, Parlamenti I Holandës ka bërë hap pas, por duke kërkuar që për plotësimin e kushteve të ketë një monitorim të rrepte dhe të ndërmerren sanksione në rast se nuk plotësohen.
Parlamenti i Hollandës i dha dritën jeshile dhe Maqedonisë së Veriut, për nisjen zyrtare të negociatave të pranimit me Bashkimin Europian.
Deputetët holandez votuan “Pro”, që Qeveria Holandeze të jetë në favor të hapjes së negociatave me dy vendet e Ballkanit Perëndimor, në mbledhjen e Komisionit Europian në 22 qershor. Megjithatë, në deklaratën e miratuar në Parlamentin Hollandez, thuhet se procesi i negociatave me Shqipërinë dhe Maqedoninë e Veriut duhet të jetë nën monitorim nga qeveria e Holandës në vijim.
Duke vërejtur se Shqipëria së fundmi ka bërë përparim në plotësimin e kushteve të vendosura nga Bashkimi Europian, duke vënë në dukje se fillimi i negociatave të pranimit për Shqipërinë është vetëm fillimi i një procesi të gjatë reformash, i bëjmë thirrje qeverisë të monitorojë këtë nga afër dhe gjithashtu të luajnë një rol aktiv duke përfshirë, ndër të tjera, pjesëmarrjen e Holandës në misionet monitoruese, duke siguruar raportet e progesit bazuar në raportet e veta.
Gjithashtu, Parlamenti i Holandës, në dekalratën e tij, thekson se Shqipëria duhet të vijojë të forcojë luftën kundër trafiqeve dhe korrupsionit, ndërkohë parashtron kërkesën që në rast të mungesës së progresit në reforma, të vendosen sanksione sipas kornizave të negociatave. Vendimin e qeverisë së Holandës për t`i thënë Po hapjes së negociatave me Shqipërinë, e ka përshëndetur Ministrja e Jashtme, Olta Xhaçka e cila shprehet se ky ka qenë një lajm i shumëpritur për Shqipërinë