Përfaqësuesi Lee Zeldin (R-NY) po kërkon përgjigje për lidhjet e Sekretarit të Shtetit Anthony Blinken.
Pyetjet kanë filluar të shtohen në Kongres mbi raportet e fundit që zbulojnë ndikimin e George Soros në administratën e demokratit Joe Biden. Siç raportoi më parë Neon Nettle, Sekretari i Shtetit i Biden, Anthony Blinken ka lidhje të vjetra familjare me miliarderin e të majtës ekstreme, Soros.
Lidhja u zbulua nga gazetari drejtues investigativ Matt Palumbo në librin e tij të ardhshëm 'Njeriu prapa perdes: Brenda rrjetit sekret të George Soros'. Sipas Palumbo, marrëdhënia ka të ngjarë të fuqizojë Sorosin të ketë ndikim të drejtpërdrejtë mbi administratën e Bidenit dhe politikën e Departamentit të Shtetit.
Rezultate në ekspoze shpërthyese tani kanë ngritur shqetësime të mëdha në Kongres. Pas zbulimeve të raportit, Përfaqësuesi Lee Zeldin (R-NY) ka kërkuar tani, për herë të tretë, fakte nga Sekretari Blinken në lidhje me sanksionet e Departamentit të Shtetit kundër ish-presidentit dhe ish-kryeministrit të Shqipërisë, Sali Berisha. Berisha është një kritik i ashpër i George Soros, i cili ka shkëmbyer publikisht replika me miliarderin e majtë në shumë raste, sipas Palumbos. Blinken, ndoshta jo rastësisht, ka lidhje familjare me Sorosin. Këto lidhje me Sorosin u ranë kambanave të alarmit kur Blinkeni vuri sanksione ndaj Berishën më herët në maj. Lidhur me pyetjen e tij për ndonjë informacion mbi “korrupsionin e rëndë” të pretenduar nga Blinken ndaj Berishës, Zeldin shkroi më 24 nëntor: 'Kanë kaluar pesë muaj që kur kam bërë kërkesën e parë, çka është në thelb kohë e mjaftueshme për t'u përgjigjur në mënyrën e duhur. Kjo është tani kërkesa ime e tretë për informacion shtesë që nga ngritja e çështjes së sanksionimit të Sali Berishës me Sekretarin Blinken gjatë seancës dëgjimore të Komisionit të Punëve të Jashtme të Dhomës së Përfaqësuesve më 7 qershor 2021.
Kongresi luan një rol të rëndësishëm mbikëqyrës për degën ekzekutive duke përfshirë Departamentin e Shtetit, megjithatë zyra ime ka marrë shumë pak detaje në përgjigje të pyetjeve të mia. Është e papranueshme dhe e dyshimtë që Departamenti i Shtetit nuk e ka përmbushur mjaftueshëm këtë kërkesë për informacion shtesë në kohën e duhur, por ka zgjedhur të zvarrisë një kërkesë të Kongresit për transparencë. Përfaqësuesi Zeldin iu referua lidhjes së Sorosit kur fillimisht mori në pyetje Blinkenin gjatë takimit të Komisionit të Punëve të Jashtme të Dhomës së Përfaqësuesve në qershor. Kongresmeni kërkoi përgjigje se si sanksionet drastike erdhën “me sa duket nga hiçi”. “Ai dihej gjithashtu se ishte një kundërshtar i ashpër i George Sorosit”, tha Zeldin. “Çfarë informacioni specifik mund të ndani me Komisionin në këtë moment për të justifikuar këtë veprim dramatik?” Në përgjigje të pyetjes, Blinken mohoi të kishte komunikuar me Sorosin. Megjithatë, ai tha se nuk mund të flasë për askënd tjetër në Departamentin e Shtetit të Bidenit. Kur u vu nën presion mbi provat për korrupsion, Blinken pretendoi se ishin ndjekur të gjitha protokollet e duhura.
Gjatë marrjes në pyetje, Blinkeni iu përgjigj me qetësi Zeldinit, ndërsa e siguroi atë se do të ishte në gjendje të siguronte provat për korrupsionin e supozuar pas seancës. Megjithatë, çuditërisht, ai tha se nuk do t'i jepte atje. Dhe sigurisht, kjo ishte e gjitha një mashtrim dhe këto prova ende nuk kanë dalë në sipërfaqe pavarësisht kërkesave të shumta. Departamenti i Shtetit u shmang në përgjigjen e tij fillestare (dhe të vetme) ndaj Zeldinit në qershor, në thelb duke argumentuar; “Ne hetuam vetë dhe bëmë gjithçka siç duhet.” “Departamenti i Shtetit mund të konfirmojë se ka ndjekur procedurat e vendosura për të përcaktuar se ai ishte i përfshirë në korrupsion të konsiderueshëm në kohën kur ishte zyrtar publik. “Megjithatë, përsëri nuk u dha asnjë provë. Në gusht, Zeldin u përgjigj duke pyetur se pse po ndërmerreshin sanksione tani pavarësisht largimit të Berishës nga funksionet në vitin 2013 gjatë administratës Obama-Biden. Zeldin kërkoi një përgjigje me shkrim dhe një takim me zyrtarin përkatës të Departamentit të Shtetit për të diskutuar në detaje dhe për të shqyrtuar çdo informacion të ri për korrupsionin e supozuar dhe procesin që ndoqi Departamenti “këto sanksione u vendosën tetë vjet dhe dy administrata presidenciale më vonë.” Mungesa e përgjigjes ndaj atyre pyetjeve nxitën Zeldinin të dërgonte letrën e fundit. Dhe sigurisht që ka shumë pyetje që kërkojnë përgjigje.
Siç dokumenton Matt Palumbo në librin e tij të ardhshëm për George Soros: Përgjegjës për dhënien e fakteve mbi korrupsionin e supozuar të Berishës në Departamentin e Shtetit është Instituti i Menaxhimit Lindje-Perëndim. Instituti drejtohet nga një grua e quajtur Delina Fico e cila ka titullin Drejtoreshë e Shoqërisë Civile. Instituti i Menaxhimit LindjePerëndim është një nga dy grupet e krijuara nga Soros (tjetri është Universiteti i Evropës Qendrore) që ai thotë se “i parashikon si institucione të përhershme”. Fico ka qenë dikur e fejuar me kryeministrin socialist shqiptar Edi Rama dhe më pas u martua me Bledi Çuçin, një nga aleatët më të ngushtë të Ramës. Me sa duket, Blinken nuk mund të flasë në emër të askujt tjetër në Departamentin e Shtetit kur bëhet fjalë për lidhjet e tyre me Sorosin, apo edhe babain e vet. Babai i Antony-it, Donald Blinken dhe gruaja e tij Vera financuan Arkivat e Shoqërisë së Hapur të Vera dhe Donald Blinken në Universitetin e Evropës Qendrore të Soros (CEU), i cili përmban një koleksion dixhital të dokumenteve historike hungareze. Treshja është fotografuar së bashku. Në një raport të Rrjetit të Fondacioneve Soros nga viti 2002, babai i Blinkenit renditet në Bordin e Administratorëve të CEU i treti pas Sorosit (kryetar) dhe Aryeh Neier. Donald Blinken ka qenë ambasador i SHBA-së në Hungari nga viti 1994 deri në 1998, pikërisht kur Soros po niste ndikimin etij atje. Ai dhe gruaja e tij kishin lidhje të ngushta me qeverinë socialiste.
Blogu i përditshëm Hungarian Spectrum, i cili krenohet me Sorosin mes donatorëve të tij, e cilësoi Blinkenin si një Sekretar të mundshëm të Shtetit pas zgjedhjeve të 2020 sepse “Hungaria nuk do të harrohet në katër apo ndoshta tetë vitet e ardhshme në Uashington.” Pasi Blinken u konfirmua si sekretar i shtetit, gazeta hungareze 'Magyar Nemzet' e quajti atë “lajm i mirë për George Sorosin.” Kjo shtron pyetjen më të rëndësishme nga të gjitha: A po i bindet Sorosit Departamenti i Shtetit të Bidenit? Matt Palumbo ka dokumentuar një sërë skemash të dyshimta, që përfshijnë George Sorosin dhe rrjetet e tij globale, në librin e tij të ri të ekspozeve të rënda “Njeriu prapa perdes: Brenda rrjetit sekret të George Sorosit
