Ambasadorja amerikane në Tiranë, Yuri Kim, postoi disa foto nga pritja e organizuar mbrëmë te Pallati i Brigadave me rastin e Ditës së Pavarësisë së SHBA.

Kim postoi kryesisht foto me Presidentin Ilir Meta, i cili mbajti edhe një fjalim.

“Zoti President, faleminderit për fjalët tuaja dashamirëse në emër të popullit shqiptar,” tha Kim.

“Teksa mendojmë për 100-vjetorin e marrëdhënieve SHBA-Shqipëri këtë vit dhe 30-vjetorin e përfundimit të komunizmit, le t’i kujtojmë njëri-tjetrit rolin dhe përgjegjësinë solemne që të gjithë ne këtu kemi për të çmuar, ruajtur, mbrojtur, forcuar, dhe bashkëndarë demokracinë – demokracinë për të cilën secili nga popujt tanë – amerikanë dhe shqiptarë – kanë luftuar aq shumë,” theksoi ambasadorja.

“Dhe tani, zoti President dhe të ftuar, ju lutem bashkohuni me mua për të ngritur një gotë për ditëlindjen e 246-të të Shteteve të Bashkuara të Amerikës, për 100 vjet miqësi jetëgjatë amerikano-shqiptare dhe – më e rëndësishmja – për të ardhmen! Gëzuar! Edhe një qind!” tha ajo në fund të fjalë së saj