PD: Veliaj mashtroi me tenderin e rrugës ‘Xhon Belushi’. Ja faktet. SPAK të veprojë.

Tuesday, 24 Janar 2023 14:03

Shefi i Organizimit në PD, Klevis Balliu ka vijuar denoncimet ndaj kryebashkiakut të Tiranës, Erion Veliaj në lidhje me abuzimin financiar 470 milionësh për rrugën John Belushi, për të cilin është bërë kallëzimi në SPAK.

Në deklaratën nga selia blu, Balliu ka publikuar edhe një provë tjetër për SPAK, ku vetëm pasi kandidati i PD për Bashkinë e Tiranës, Belind Këlliçi, denoncoi publikisht vjedhjen e hapur me fondin e rrugës John Belushi, Bashkia Tiranë e kapur në flagrancë, zgjodhi të minimizojë pasojën ligjore që do të ketë, duke anuluar këtë tender fiktiv.

 

DEKLARATË E SHEFIT TË ORGANIZIMIT NË PD, KLEVIS BALLIU

Në vijim të denoncimeve të mëparshme lidhur me abuzimin financiar 470 milionësh për rrugën John Belushi, për të cilin është bërë kallëzimi në SPAK, sot duam të bëjmë publike edhe një provë tjetër.

Në Buletinin e Njoftimeve Publike nr. 4, datë 16 Janar 2023, dokument zyrtar që publikohet nga Agjencia e Prokurimit Publik, në faqet 314-315, është publikuar Njoftimi i Anulimit nga Autoriteti Kontraktor, Bashkia Tiranë, i procedurës së prokurimit me numër reference: REF-35961-12-16-2022, për procedurën e prokurimit me objekt: “Ndërtim i rrugës “Xhon Belushi” dhe degëzimi i saj rruga “Thoma Filipeu””, me fond limit 47,112,785 lekë pa TVSH.

Në pikën 6 të këtij njoftimi publik, Bashkia Tiranë ka sqaruar se arsyeja e anulimit të këtij tenderi është për shkak të rrethanave të paparashikueshme dhe objektive…

Vetëm pasi kandidati i PD për Bashkinë e Tiranës, Belind Këlliçi, denoncoi publikisht vjedhjen e hapur me fondin e rrugës John Belushi, Bashkia Tiranë e kapur në flagrancë, zgjodhi të minimizojë pasojën ligjore që do të ketë, duke anuluar këtë tender fiktiv.

Bashkia Tiranë e pranon që arsyeja e anulimit është “rrethanë e paparashikuar”, pra “Lali lavatriçja” nuk e kishte parashikuar që Partia Demokratike e Shqipërisë do e kapte në zhvillimin e një procedure fiktive prokurimi.

Për shkak të këtij ”paparashikimi”, autoriteti kontraktor vendosi të anulonte këtë tender fiktiv.

Tek pika 7 e publikimit të Njoftimit të Anulimit, Bashkia Tiranë “ka harruar” të bëjë publik datën e anulimit të tenderit, fakt që provon se anulimi i tenderit fiktiv është bërë menjëherë pasi Belind Këlliçi denoncoi publikisht pamjet në këtë rrugën “Xhon Belushi”, ku mjetet e Bashkisë Tiranë kishin hedhur jo vetëm materialin mbushës të rrugës, por po hidhnin edhe shtresat e asfaltit elektoral.

Në mënyrë të ripërsëritur, kërkojmë nga SPAK që t’i drejtohet Agjencisë së Prokurimit Publik, si institucioni përgjegjës:

1. Në cilën datë është bërë publikimi i shpalljes së procedurës së mësipërme të prokurimit, pra ku do të provoni se tenderi do të hapej në datë 09.01.2023?

2. Në cilën datë është bërë publikimi i shpalljes së mbikëqyrjes së procedurës së mësipërme të prokurimit?

3. Në cilën datë është bërë anulimi i tenderit të zbatimit dhe ai i mbikëqyrjes së punimeve nga Autoriteti Kontraktor, Bashkia Tiranë?

4. Përse ka bërë publik një dokument si ky i anulimit të tenderit të zbatimit të procedurës fiktive të prokurimit, në kushtet kur nuk është plotësuar pika 7, informacioni shtesë, në të cilin duhej të ishte publikuar data e anulimit të tenderit? Mos vallë po përfshihet edhe APP-ja në këtë aferë fiktiviteti?

Nga SPAK kërkojmë gjithashtu të lëvizë vendit dhe të merret me vjedhjet publike të punëve dhe parave publike të cilat nuk kanë nevojë për hetime sepse janë akte flagrance që kuptohen edhe nga fëmijët e klasës së parë.

Përse nuk bëhet arrestimi në flagrancë i Kryetarit të Bashkisë, i cili referuar Ligjit të Prokurimit Publik dhe akteve nënligjore të dala në zbatim të tij është edhe titullari i Autoritetit Kontraktor, të cilin ligji e ngarkon me përgjegjësi ligjore?

Përse SPAK nuk merr deklaratën që “lavatriçja” e Bashkisë bëri publike ku pretendonte se kishte mbi një javë që kishte anuluar tenderin, ndërkohë që rezulton e kundërta, referuar kjo të gjitha provave dhe fakteve të bëra publike?

Modifikuar më Tuesday, 24 Janar 2023 15:34
Login to post comments

Lajmet e fundit

Indrit Hoxha:Nga Vora gati per 11 shkurt ora 12:00 ne shesh!

Politikë

Indrit Hoxha:Nga Vora gati per 11 shkurt ora 12:00 ne shesh!

Kandidati i dale nga primaret qe do te perfaqesoje PD per Bashkine e Vores Indrit Hoxha ka dale me nje thirrje ne rrjetet sociale ku fton qytetaret e Vores dhe te...

Berisha: Çfarë kërkesash bëri McGonigal për SPAK-un e partisë?

Politikë

Berisha: Çfarë kërkesash bëri McGonigal për SPAK-un e partisë?

Kryetari demokrat, Sali Berisha, deklaroi dje se agjenti i diskredituar i FBI, Charles McGonigal ka zhvilluar takime edhe në SPAK. “Këtu McGonigal është përdorur nga Edi Rama për qëllime nga më...

Zbërthehet pastruesja: Alda më kërkoi t'i ruaja paratë që vinin me çanta, vjedhjen e inskenova

Politikë

Zbërthehet pastruesja: Alda më kërkoi t'i ruaja paratë që vinin me çanta, vjedhjen e inskenova

Zbërthehet pastruesja Rozeta Dobi, pastruesja e arrestuar për vjedhjen e parave në shtëpinë e ish-zyrtares Alda Klosi. Gazetarja Klodiana Lala ka siguruar për “BalkanWeb” dëshminë e plotë të pastrueses, e...