Gazeta shkruan se Veliaj është i implikuar në aferë dhe është nën hetim. 

BILD thekson se ky skandal është i rëndë edhe për Shqipërinë e mësuar me afera korruptive.

“Çfarë i shtyn njerëzit në rrugë: Politikanët kryesorë të qytetit thuhet se kanë themeluar kompani përmes ‘pupacëve’ të tyre, të cilave më pas u kanë dhënë kontrata publike! Dëmi i njohur deri tani: 25 milionë euro para publike në vendin e dytë më të varfër të Europës! Dyshimi: Thuhet se është i përfshirë edhe kryetari i bashkisë,” shkruan gazeta.

Por interesant është fakti se gazeta e lidh shkrimin me një qëndrim të mbajtur nga qeveria gjermane të martën.

“Ministrja e Brendshme e Gjermanisë, Nancy Faeser (53, SPD) emëroi bandat shqiptare si autorët kryesorë të kontrabandës së kokainës në Gjermani të martën,” shkruan gazeta.

Ky lajm bëri shumë bujë në Gjermani, por kaloi thuajse në heshtje në Shqipëri.

Atëherë pse lidhet emri i Veliajt me historinë e kokainës?

“Fakti që zyrtarët e lartë tani po mbushin hapur xhepat e tyre para syve të kryebashkiakut të qytetit të Tiranës në lulëzim - kjo është një pikë e tepërt për demonstruesit në Tiranë, ku mijëra apartamente të reja qëndrojnë bosh. Fakt: Pastrimi i parave i ka rritur çmimet. Toka për ndërtim në qytetin e Tiranës tani është po aq e shtrenjtë sa në zonat kryesore të Hamburgut...,” thekson BILD.

A dinë më shumë gjermanët për lidhjet e zyrtarëve me kokainën?

Kjo mbetet për t’u parë. Por të mos harrojmë se para pak ditësh, nga një gjyq në Belgjikë, zyrtarët shqiptarë dolën në përgjime si të implikuar me një grup kriminal të trafikut të kokainës.

Qëllimi i tyre? Të ngrinin një kullë në Tiranë!