Kancelarja Angela Merkel e kthen mbrpasht kryeministrin Edi Rama, duke i kërkuar që deri në qershor të japë prova për forcimin e ligjit, luftën kundër krimit të Organizuar dhe luftën kundër korrupsionit. Këto tri pika ishin çështjet kryesore të fjalimit të Merkelit në konferencën e përbashkët me kryeministrin Rama. “Ka fusha të tjera për të cilat do të flasim, sundimi i ligjit në përgjithësi, por edhe lufta kundër korrupsionit dhe krimit të organizuar. Besoj që gjithmonë pajtohemi se nuk është për ne që të bëjmë favore, në fund të fundit rezultatet në këto fusha janë me rëndësi të madhe për Shqipërinë dhe popullin e saj. Kjo gjithashtu krijon mundësi për rritje ekonomike. Kjo krijon potencial për besim dhe besueshmëri, për investitorët. Kjo krijon mundësi të ardhshme për të rinjtë, të cilat duhet të kemi mbi të gjitha në mendje” u shpreh Merkel.
Kancelarja Merkel e tha hapur se Gjermania do të presë muajin qershor për të dhënë vendimin e saj për hapjen e negociatave. “Komisioni propozoi më 17 prill që negociatat e pranimit me Shqipërinë të mund të hapen. Ne do ta diskutojmë atë në Këshillin Evropian në fund të qershorit. Ka një numër parakushtesh për të hyrë në negociatat e pranimit. Shqipëria ka punuar tashmë shumë për disa gjëra. Ekzistojnë disa kushte për fillimin e negociatave të pranimit. Ne do të bëjmë në javët e ardhshme opinionin tonë përfundimtar në se disa gjëra duhet të bëhet në qoftë se ka tashmë mjaft përparim, dhe për të diskutuar me kolegët tanë evropianë” tha Merkel.
Nga ana e tij, kryeministri Edi Rama nuk tha asgjë më shumë se mban shpresat tek mbështetja e Gjermanisë dhe e kancelares Merkel në fund të qershorit për çeljen e negociatave.
Fjala e plotë e Merkel
