Ministri gjerman për Europën, në Zyrën Federale për Punë të Jashtme, Michael Roth, ndodhet në Shqipëri, ku është takuar me kryeministrin Edi Rama.

Pas takimit, ai ka shkruar në profilin e tij në Twitter, se duhet bërë shumë më tepër nga se çfarë është bërë deri tani nga qeveria.

“Një takim shumë i mirë me Kryeministrin Rama. Përpjekjet për ecurinë e reformave të qeverisë po ecin mirë. Megjithatë duhet bërë shumë më tepër. Le të vazhdojmë. Mund të mbështeteni te ne”, shkroi në “Twitter” Roth.

I dërguari i Merkel, do të takohet edhe me kreun PD-së Lulzim Bashën, ndërsa ditën e nesërme do pritet nga Ministri i Jashtëm, Ditmir Bushati.