Ata që mundohen që të reduktojnë dëmet e cigareve priren që të zgjedhin ato light ose ultra light, të cilat në fakt nuk janë më pak të rrezikshme se ato të tjera. Përkundrazi cigaret pa filtër rrezikojnë me dyfish përdoruesit që të preken nga kancerin.
Shkencëtarët amerikanë analizuan një kampion prej 14 mijë personash me moshë nga 55 deri në 74 vjeç, të cilët kishin tymosur minimumi 30 paketa cigaresh në vit dhe mesatarisht 56 paketa në vit.
Rezultoi se personat që pinin cigare të lehta dhe tejet të lehta, rrezikonin njëlloj si ata që tymosnin cigare normale. Personat që përdornin cigare të lehta dhe tejet të lehta, rezultoi se ishin më pak të prirur që të linin duhanin në raport me të tjerët.
Gjithashtu ata që tymosnin cigare pa filtër, rrezikonin me 40% më shumë që të prekeshin nga kanceri i mushkërive, shkruan noa.al.
Po ashtu personat që tymosnin cigare pa filtër ishin 30% më shumë të varur nga nikotina në raport me personat e tjerë.