Të gjithë menduan se u largua nga ekrani, por Fatma Methasani do të vazhdojë të bëjë të njëjtin program në të njëjtin stacion televiziv. Ishte vetëm një foto me një bionde që u shfaq në rrjet, e cila vuri në lëvizje të gjithë fansat dhe portalet të nxitonin për lajmin e ri: Fatma Methasani largohet nga InTv. Në fakt, pak javë më parë, Fatma është përfolur edhe si një emër i mundshëm që mund t’i afrohet ekranit të Tv Klan, por zërat për lëvizjen e saj u shuan shpejt.
Pas pushimeve, Fatma është rikthyer në InTv dhe në FunDay – programi që ajo drejton prej disa sezonesh dhe që tashmë është unifikuar me imazhin e saj.
Kështu, një prej portreteve më simpatikë të këtij ekrani do të vijojë të jetë besnike e programit të saj edhe për të paktën një sezon tjetër televiziv.
