Të rinjtë shqiptarë janë acaruar keq pasi pronari i markës së njohur i ofendoi pse blinin rroba fallco. Philip Plein publikoi foto të të rinjve shqiptarë të cilët etiketonin në foto markat e njohura origjinale, në foto ku ishin veshur me imitime.

Në ditët e sotme është vërtet një luks të vishesh me rroba të markave të njohura, po flasim për ato origjinalet. Por jo të gjithëve u krijohet mundësia kështu që shumë të rinj, u drejtohen dyqaneve me imitime, dhe në këtë mënyrë ndjehen më trendy. Por fakti që shumë të tillë në fotot që publikonin në rrjetet sociale, ku ishin të veshur me imitime, etiketonin markat e njohura origjinale, e ka acaruar biznesmenin Philip Plein.

 Ai publikoi me fytyrë dhe emër disa foto të shqiptarëve të cilët e kishin etiketuar ‘padrejtësisht’. Por  të rinjtë shqiptarë, menaxherët e faqes “Rich Kids Tirana”, kanë dhënë një përgjigje për pronarin e markës së njohur.

Ata kanë publikuar video dhe foto të ndryshme, ku etiketojnë Pleinin dhe shkruajnë se ai dikur ishte pabuks e ndërsa sot shan shqiptarët. “S’ka me shqipet,”- shkruajnë më tej administratorët e faqes.