Një tjetër aktor me famë botërore është prekur nga koronavirusi. Bëhet fjalë për yllin e “Game of Thrones”, Kristofer Hivju i cili është mes të famshmëve të fundit që ka rezultuar pozitiv ndaj pandemisë.
Në një postim në Instagram, aktori norvegjez njoftoi se është me Covid-19 ndërsa theksoi se ai dhe familjet e tij po izolohen.
“Jemi në gjendje të mirë shëndetësore. Kemi vetëm simptoma ftohje. Ka njerëz që janë më të rrezikur për të cilët ky virus mund të jetë shkatërrues. Kështu që ju bëj thirrje të gjithëve të jeni jashtëzakonisht të kujdesshëm, lani duart dhe mbani distancë 1.5 metër nga të tjerët, shkoni në karantinë. Thjesht bëni gjithçka që mundeni për të ndaluar përhapjen e virusit,”– tha ai.
Aktori aktualisht është në Norvegji.
“Së bashku mund ta luftojmë këtë virus dhe të shmangim një krizë në spitalet tona. Ju lutemi kujdesuni për njëri-tjetrin, mbajeni distancën dhe qëndroni të shëndetshëm!”- përfundoi Kristofer Hivju.
Por Hivju nuk është aktori i vetëm i prekur nga koronavirusi, i cili duket se ka pushtuar kinematografinë botërore.
Idris Elba dhe aktorja Olga Kurylenko njoftuan me an të postimeve në rrjetet sociale se janë me Covid-19.
Ndërsa Tom Hanski dhe bashkëshortja e tij, të cilët gjithashtu rezultuan pozitiv, u larguan nga spitali pas një qëndrimi disa ditor dhe u larguan në shtëpi.