Federata Ndërkombëtare e Peshëngritjes (IËF), ka vendosur norma të reja për shtetet që do të marrin pjesë në Lojërat Olimpike “Tokio 2020”. Në një mbledhje të bordit drejtues të zhvilluar së fundi në Buenos Aires të Argjentinës,  IËF ka përfshirë në paketën e normave edhe dopingun. Vendet që kanë arritur një numër të caktuar rastesh pozitiviteti, 20 të tilla të konfirmuara nga WADA në 10-vjeçarin e fundit (2008-2018), nuk do të lejohet të garojnë në Olimpiadën e ardhshme.

Ky vendim është quajtur i detyrueshëm nga Ndërkombëtaret, duke parë kërkesat në rritje nga Komiteti Olimpik Ndërkombëtar në luftën ndaj dopingut. Vendim që është një “kërcënim” nga ana e IËF karshi vendeve që kanë raste të theksuara dopingu e një prej tyre është edhe Shqipëria, që vetëm në këto 4 muaj ka regjistruar dy raste pozitiviteti (Begaj dhe Veli). Shtetet që aktualisht nuk marrin pjesë në Olimpiadë janë të shumta, por edhe Shqipëria është në prag të shifrës së 20 rasteve doping.

Në vitet e fundit janë të shumta rastet e dopingut në sportin e peshëngritjes, që fillimisht na nderon me medalje e më pas na fundos në skandalin e pozitivitetit, ndaj shtanga kuqezi mbetet e kërcënuar nga ky vendim i Federatës Ndërkombëtare të Peshëngritjes.

Rastet e dopingut për vendin tonë nga vitit 2005 deri më sot sipas IËF janë:

Viti 2005 Ilir Kafarani

Viti 2007 Isa Balaj, Fetije Kasaj, Mirian Lozi

Viti 2011 Shqiponja Brahja

Viti 2012 Hysen Pulaku, Erkand Qerimaj, Ilirian Suli

Viti 2013 Briken Calja

Viti 2014 Romela Begaj, Arbër Çerçizi, Daniel Godelli, Hysen Pulaku

Viti 2018 Romela Begaj, Evangjeli Veli