“Topi i Artë”, zyrtarizohen 30 kandidatët, ja si zgjidhet fituesi!
Tuesday, 22 October 2019 11:06
Cili do të jetë pasardhësi i kroatit Luka Modriç? Mbrëmjen e sotme, “France Football”, revista sportive franceze që ka krijuar trofeun e madh individual, ka bërë të ditur emrat e 30 lojtarëve që do të vihen në ndjekje të “Topit të Artë” për vitin 2019. Mes favoritëve padyshim që gjendet Lionel Mesi, fitues i çmimit FIFA Best, i cili shpreson të fitojë trofeun e gjashtë në karrierë. Mes rivalëve që shpresojnë të mposhtin “Pleshtin” janë Vixhil Van Dajk, mbrojtësi qëndror i Liverpulit, kampion i Europës, dhe Kristiano Ronaldo. Më 2 dhjetor në Paris do të jetë dhe ceremonia e madhe e dorëzimit të trofeut. Lista me 30 emrat e përzgjedhur është bërë nga një juri prej 180 gazetarësh dhe nga vetëm një përfaqësues për çdo shtet dhe çdokush prej tyre ka për detyrë të votojë 5 lojtarë duke filluar nga 6 pikë, 4, 3, 2, dhe një pikë për futbollistin e fundit. Në rast se ka barazi pikësh mes dy apo më shumë lojtarëve, në konsideratë merret ai që ka grumbulluar më shumë vende të para, dhe kështu me radhë nëse dhe vendet e para janë në barazim, atëherë shikohen votat si vend i dytë. Nëse çdo gjë do të jetë në barazim, atëherë do të bëhet një balotazh mes lojtarëve të vendit të parë. Kriteret Kriteret për përcaktimin e çmimit janë përshkruar në artikullin numër 10 të rregullores përkatëse. – përveç paraqitjeve personale, merret në konsideratë dhe paraqitja e ekipit. – vlera e lojtarit (talent dhe fair play) – karriera – personaliteti, karizma. Rekordet Lionel Mesi dhe Kristiano Ronaldo kryesojnë me nga 5 trofe secili dhe kanë fituar numrin më të madh të çmimeve. CR7 është fituesi më i ri i “Topit të Artë” në moshën 21 vjeç e 3 muaj. Stenlej Methjus është lojtari më i vjetër i vlerësuar me “Topin e Artë” në moshën 41 vjeç e 11 muaj. Mesi mban rekordin për numrin e trofeve të fituar radhazi, katër të tillë, në edicionet 2009-2012.
***
“Topi i Artë 2019”, njihuni me të përjashtuarit e mëdhenj dhe rastin unik të Modric
“Topi i Artë 2019” njohu të hënën 30 finalistët e parë dhe favoritët, por ajo që të bën përshtypje në listën e bërë publike nga “France Football” janë disa të përjashtuar të mëdhenj. Rasti më i çuditshëm, një rast unik në historinë e “Topit të Artë” është ai i Luka Modric.
Për herë të parë fituesi i edicionit të fundit nuk bën pjesë në listën me 30-të finalistët. Viti i errët që kaloi Reali Madrid është reflektuar qartë në këtë klasifikim, mbi të gjithë viti personal i Luka Modric.
Në 30 finalistët e parë mungojnë edhe disa emra shumë të mëdhenj të futbollit botëror, si Sergio Ramos, Bale, Cavani, Suarez, e Godin por mbi të gjitha mungon Neymar dhe Pogba.
Sulmuesi brazilian mbylli një sezon shume negativ me PSG, ku mes dëmtimeve dhe problemeve private për të u dëgjua pak.
Po paguan sezonin negativ me Man.United edhe Pol Pogba, mbase kjo është një arsye e fortë pse mesfushori francez kërkon të largohet me çdo kusht. Për të dytin vit radhazi nuk gjejmë asnjë italian në listën me 30-të finalistët për çmimin më të rëndësishëm në rang individual.
Shqipëria u kualifikua për herë të dytë në historinë e saj, në një kampionat Europian.
Kuqezinjtë i mbyllën kualifikueset në vendin e parë, duke lënë pas kombëtare të forta si Çekia...
Sonte në mbrëmje do të mësohen dy “biletat” e tjera gjysmëfinale të Champions-it.
Në orën 21:00 do të luhen Manchester City-Real Madrid dhe Bayern Munchen-Arsenal.
Manchester City duket disi më favorit pas...
Tre vjet pas pasi filloi të publikohet lista me 100 pionierët revolucionar të revistës TIME në fusha të ndryshme të jetës, Dua Lipa zbukuron kopertinën e saj të re si një nga njerëzit më...