Jose Mourinho ka marrë drejtimin e Tottenham, duke zëvendësuar Mauricio Pochettinon. “Special One” e merr në një moment aspak të mirë ekipin e “gjelave”, pasi në Premier League, ata kanë vetëm 14 pikë pas 12 javësh.
Objektivi i Tottenham është i qartë, pasi kërkojnë ta mbyllin kampionatin të paktën në “Top 4”. Nëse i referohemi statistikave, londinezët e kanë të pamundur të kapin vendin e katërt, me Mourinhon që është në kërkim të një rekordi historik.
Asnjë ekip nuk ka arritur në historinë e Premier League, që ta mbyllë kampionatin në “Top 4”, nëse në 12 javët e para ka grumbulluar vetëm 14 pikë. Jose Mourinho e ka në tavolinë sfidën e parë dhe “Special One” ka treguar që di ti përballojë sfidat e vështira. Tashmë, mbetet për t’u parë nëse portugezi do të arrijë rekordin historik.
