Sevilla ka fituar për herë të 6-të në histori trofeun e Europa Leagues, po aq herë sa ka qenë në finale.

Skuadra spanjolle zhvilloi një finale të çmendur duke mposhtur 3-2 skuadrën e Interit të Antonio Contes e cila mbyll sezonin pa trofe, shkruan SYRI.net.

Ndeshja nisi vrullshëm pasi në minutën e 4’ ishte Lukaku i cili realizoi golin e avantazhit (1-0) nga pika e bardhë e penalltisë. Portieri Bono kuptoi krahun e sulmuesit belg por pa mundur të ndalë topin që përfundon në rrjetë.

Nuk ka zgjatur më shumë se 7 minuta gëzimi i Interit. Sevilla ka arritur të barazojë rezultatin 1-1 me anë të Luuk de Jong i cili realizoi me kokë duke mposhtur portierin Handanovic. Në minutën e 33’  Sevilla ka bërë përmbysjen e çmendur pasi sërish në skenë del Luuk de Jong realizoi për 2-1. Për të vendosur barazpeshën mendoi Godin për 2-2.

Goli i avantazhit për Sevillan vjen në minutën e 74’ kur Diego Carlos realizoi një rofishatë të bukur por topi u devijua nga Lukaku dhe më pas përfundoi në rrjetë, shkruan SYRI.net.

Pas shpërdorimeve të rasteve të shumta në sulm, sulmuesi belg i Interit realizon autogol.

Deri në minutat e fundit Sevilla administroi rezultatin duke marrë sërish një tjetër trofe të rëndësishëm, ndërsa Interi zhgënjen në finalen e parë europiane pas tripletës të famshme në vitin 2010.

\